27.11.2024 | 19:04
Ավտովթար՝ հրդեհի բռնկմամբ. տուժածը հոսպիտալացվել է
ՊՆ փոխնախարարը՝ գերությունից վերադարձած զինվորներին առողջական խնդիրներով բանակ տանելու մասին․ ՏԵՍԱՆՅՈՒԹ
Քաղաքականություն
08.12.2022 | 13:33
Գերությունից վերադառնալուց կարճ ժամանակ անց, առանց համապատասխան բուժումների, ժամկետային զինծառայողներին հետ են ուղարկում ծառայության․ այս մասին ահազանգում են այդ զինծառայողների ծնողները։ Անդրադառնալով Factor.am-ի այս դիտարկմանը՝ ՀՀ պաշտպանության փոխնախար Արման Սարգսյանը նշեց․ «Պետությունն ամեն ինչ անում է նրանց առողջական խնդիրները լուծելու համար, մի՛ կասկածեք, յուրաքանչյուր քայլ կատարվում է նրանց առողջութունը վերականգնելու ուղղությամբ»։
Անդրադառնալով դիտարկմանը, որ օրերս հայտնի դարձավ՝ գերությունից վերադարձած 17 զինծառայողներից մեկի (ով նորից զորակոչվել էր) առողջական վիճակը կտրուկ վատացել է, և նա երեք օր անց կրկին տեղափոխվել է հոսպիտալ, փոխնախարարը հորդորեց, որպես լրատվամիջոց, այդ զինծառայողի տվյալները գրավոր ներկայացնել նախարարություն, և վստահեցրեց, որ ուսումնասիրություն կատարելուց հետո կպատասխանեն։
«Վստահ եղեք, որ մեզ համար էլ կարևոր է, որ գերությունից վերադարձած տղաները ոչ միայն ֆիզիկապես, այլ նաև հոգեպես կարողանան վերականգնվել և ինտեգրվել թե՛ զինծառայությանը և թե՛ ընդհանրապես հասարակությանը»,- ընդգծեց պաշտպանության փոխնախարարը։
Մանրամասները՝ տեսանյութում։
Թեմայի առնչությամբ կարդացեք նաև՝
«Ստիպել են շան պես քայլել»․ Բաքվի գերությունից` բանակ առանց վերականգնողական բուժման
