07.06.2026 | 10:16
Գործարարը Չինաստանից Մոսկվայով վերադառնալուց հետո ծանուցագիր է ստացել վարժական հավաքների մասնակցելու վերաբերյալ
Թուրքիան F-16 կործանիչներ է ուղարկել Ադրբեջան՝ համատեղ զորավարժությունների․ ՏԵՍԱՆՅՈՒԹ
Քաղաքականություն
06.12.2022 | 12:02
Թուրքիան F-16 կործանիչներ է ուղարկել Ադրբեջան՝ թուրք-ադրբեջանական համատեղ զորավարժություններին մասնակցելու նպատակով։ Այս մասին իր թվիթերյան էջում արված գրառմամբ հայտնել է ԵԽԽՎ–ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանը՝ հարցադրելով, թե արդյոք սա նոր պատերազմի նախապատրաստություն է ընդդեմ Հայաստանի ու Արցախի։
«Թուրքական F-16 կործանիչները հետ են վերադարձել Ադրբեջան՝ համատեղ զորավարծությունների։ Վերջին անգամ դրանք Ադրբեջանում են եղել 2020 թվականին․ զորավարժությունների համար ժամանելով հուլիսին՝ դրանք մնացել են այնտեղ մինչև սեպտեմբեր՝ մասնակցելով Արցախի բնակչության պատերազմին․․․ Ի՞նչ է սա։ Նոր պատերա՞զմ Հարավային Կովկասում ընդդեմ Հայաստանի ու Արցախի»,- գրել է Հայրապետյանը։
Ավելի վաղ Ադրբեջանի պաշտպանության նախարարությունը հայտարարել էր, որ մեկնարկել են ադրբեջանա-թուրքական հերթական համատեղ զորավարժությունները։
Տեղեկացվել է, որ վարժանքներն իրականացվում են Իրանի սահմանին՝ «Բաքվի, Աստարայի, Ջրականի և Իմիշլիի շրջաններում»։
Ըստ Պաշտոնական հաղորդագրության՝ զորավարժություններն ընթանում են մարտական և հատուկ ինժեներասակրավորային տեխնիկայի, ինչպես նաև Ադրբեջանի բանակի և Թուրքիայի զինված ուժերի ռազմական ավիացիայի ներգրավմամբ։
Մանրամասները՝ տեսանյութում
Տաթև Ֆռանգյան
