10.08.2026 | 20:08
Սահմանվել են էլեկտրոնային փողի թողարկման և օգտագործման կարգավորման նոր հնարավորություններ
Ես պատասխանատու եմ Կառավարության համար որպես մարդ․ Արամ Սարգսյան․ ՏԵՍԱՆՅՈՒԹ
Քաղաքականություն
07.06.2018 | 17:09
Ազգային ժողովի «Ելք» խմբակցության պատգամավոր Արամ Սարգսյանն ԱԺ ամբիոնից Հանրապետական խմբակցության պատգամավորների հարցին՝ ո՞վ է պատասխանատու այս Կառավարության ծրագրի համար, նրանց խորհուրդ տվեց հարցին նայել այլ տեսանկյունից՝ մի կողմ թողնելով քաղաքականությունը:
«Ժողովուրդն է պարտադրել , որ մեր երկրում քաղաքական փոփոխություն ունենա։ Հիմա մենք ի՞նչ ենք ուզում, ուզում ենք, որ էդ ժողովուրդը ու իր Կառավարությունը հաջողության հասնի՞, թե՞ պարտվի, իհարկե, որ հաջողության հասնի, հետևաբար, մեզանից յուրաքանչյուրը պատասպանատու է Կառավարության ծրագրի համար, և դա չի նշանակում, որ չպետք է լինի ընդդիմություն»,- ասաց Արամ Սարգսյանն՝ ընդգծելով որ Հանրապետականը շատ լավ ընդդիմություն է։
«Այո՛, քաղաքական առումով պատասխանատու է գործող Կառավարությունը։ Ես պատասխանատու եմ Կառավարության ծրագրի համար որպես մարդ»,- խոսքը եզրափակեց պատգամավորը։
Մանրամասները՝ տեսանյութում։
