28.04.2024 | 11:17
Պահեստազորի գնդապետ Միհրան Մախսուդյանի որդուն մեղադրանք է առաջադրվել
Լաչինի միջանցքում անցակետերի տեղակայման ռուս-ադրբեջանական ի՞նչ պայմանավորվածություն է եղել՝ ըստ խաղաղապահների հրամանատար Վոլկովի
Քաղաքականություն
05.12.2022 | 17:44
Արցախում տեղակայված ռուս խաղաղապահ զորակազմի հրամանատար, գեներալ-մայոր Անդրեյ Վոլկովն ադրբեջանական քարոզչական լրատվամիջոցների հետ զրույցում խոսել է Լաչինի միջանցքում «ինչ-որ փոքր մաքսակետի» տեղադրման հետ կապված Բաքվի հետ համաձայնության մասին։
«Մենք հիմա ադրբեջանական կողմի հետ համաձայնության ենք հասել՝ մինի-մաքսակետ ստեղծել, հատուկ սարքավորումներ տեղադրել մեր առաջին անցակետում։ Մենք տեխնիկական ստուգման միջոցներ մինչև հիմա չենք ունեցել։ Զինվորները բացում են, ինչ-որ պարկերի, բեռի տակ կարող է տեղափոխվել ցանկացած բան։ Մենք դա կդնենք, կստուգենք, կարծում եմ՝ աշխատանքի արդյունավետությունը կերևա, երաշխիք կլինի, որ որևէ արգելված բեռ չի տեղափոխվի»,- ասել Վոլկովը։
Նա չի նշել՝ արդյո՞ք նման համաձայնություն կա Արցախի իշխանությունների հետ։
Ի դեպ, նոյեմբերի 9-ի եռակողմ հայտարարության համաձայն՝ Լաչինի միջանցքով երթևեկությունը պետք է անխոչընդոտ լինի, իսկ այդ ծրագրի իրագործումը հայտարարության հերթական խախտումը կլինի։
Հիշեցնենք, որ դեկտեմբերի 3-ին Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ, իբր, բնապահպանական պատճառաբանությամբ փակել էին Ստեփանակերտ-Գորիս մայրուղին։ Նրանց հետ են եղել նաև Ադրբեջանի պետական ու քարոզչական լրատվամիջոցների ներկայացուցիչները։ Այդ ժամանակ էլ ադրբեջանցի լրագրողները զրուցել են Վոլկովի հետ։
Էմմա Չոբանյան
