25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Մոսկվայում մեկնարկել է Լավրով-Բայրամով հանդիպումը
Քաղաքականություն
05.12.2022 | 14:00
Մոսկվայում մեկնարկել է ՌԴ ԱԳ նախարար Սերգեյ Լավրովի և Ադրբեջանի ԱԳ նախարար Ջեյհուն Բայրամովի հանդիպումը, հայտնում են ադրբեջանական լրատվամիջոցները։
Նշվում է, որ հանդիպումը տեղի է ունենում ՌԴ ԱԳՆ ընդունելությունների տանը։
Նախարարները քննարկելու են երկկողմ համագործակցության ներկա վիճակն ու հեռանկարները, ինչպես նաև մտքեր են փոխանակելու տարածաշրջանային և միջազգային օրակարգի արդիական հարցերի, այդ թվում՝ Հայաստանի և Ադրբեջանի հարաբերությունների կարգավորման խնդիրների շուրջ։
Սպասվում է, որ հանդիպման արդյունքներով ստորագրվելու է Ադրբեջանի և Ռուսաստանի միջև 2023-2024 թվականների միջգերատեսչական խորհրդակցությունների պլանը։
Հավելենք, որ Բայրամովը դեկտեմբերի 4-ից աշխատանքային այցով Մոսկվայում է։
Էմմա Չոբանյան
