11.12.2025 | 20:30
«Հարսնաքար»-ը, Գասպարյանի առանձնատունը, Միքայելյանի տնակը․ Սևանի ափի որ գույքերը կքանդի պետությունը․ ՏԵՍԱՆՅՈւԹ
Մեգասենսացիա ԱԱ-ում․ Ճապոնիան և Իսպանիան փլեյ-օֆֆում են, Գերմանիան լքում է մրցաշարը
02.12.2022 | 10:44
ԱԱ-2022-ի խմբային փուլի վերջին տուրում Ճապոնիայի հավաքականը կամային հաղթանակ տարավ Իսպանիայի նկատմամբ․ գրում է armsport-ը։
Առաջին խաղակեսից հետո իսպանացիները հաշվի մեջ առջևում էին Մորատայի գոլի շնորհիվ։ Սակայն երկրորդ խաղակեսում, արդեն ավանդույթի համաձայն, Ճապոնիայի հավաքականի մարզիչ Մորիյասուն կատարում է փոխարինումներ, որոնք փոխում են այս հանդիպման ելքը։
Նախ, ինչպես Գերմանիայի հետ խաղում, փոխարինման դուրս եկած Դոանը հավասարեցնում է հանդիպման հաշիվը, իսկ քիչ անց Տանական երկրորդ գնդակն է ուղարկում Սիմոնի դարպասը։
Այսպիսով, Ճապոնիայի հավաքականը 2-1 հաշվով հաղթում է Էնրիկեի թիմին և առաջին տեղով դուրս գալիս փլեյ-օֆֆ։
⚽ Ճապոնիա – Իսպանիա 2-1
Դոան, Տանակա – Մորատա
Բավականին դրամատիկ ստացվեց նաև զուգահեռաբար ընթացող Կոստա Ռիկա-Գերմանիա հանդիպումը։ Կոստառիկացիները հանդիպման ընթացքում հաշվի մեջ առջևում էին 2-1 հաշվով, բայց ևս մեկ մեգասենսացիա այս ԱԱ-ում չհաջողվեց գրանցել։ Գերմանացիները կարողացան այդ խաղում ևս երեք գնդակ խփել և հաղթել 4-2 հաշվով։
⚽ Կոստա Ռիկա – Գերմանիա 2-4
Տեխեդա, Վարգաս – Գնաբրի, Հավերց (դուբլ), Ֆուլկրուգ
Այսպիսով, Ճապոնիայի և Իսպանիայի հավաքականները դուրս եկան փլեյ-օֆֆ, գերմանացիները և կոստառիկացիները լքում են մրցաշարը։
🏆 Մրցաշարային աղյուսակը E խմբում երրորդ տուրից հետո․
1․ Ճապոնիա – 6 միավոր
2․ Իսպանիա – 4
3․ Գերմանիա – 4
4․ Կոստա Ռիկա – 3
