27.04.2026 | 11:11
«Ուժեղ Հայաստան» դաշինքի հավաքին մասնակցելու համար 10 հազար դրամ խոստանալու գործով 4 անձի նկատմամբ հետապնդում է հարուցվել․ ՔԿ
Բակտերիալ վարակներն աշխարհում մահացությունների երկրորդ պատճառն են
Քաղաքականություն
22.11.2022 | 23:07
Բակտերիալ վարակներն աշխարհում մահացությունների երկրորդ հիմնական պատճառն են՝ 2019 թվականին գրանցելով մոտավորապես յուրաքանչյուր ութ մահերից մեկը։ VOA-ի փոխանցմամբ՝ այս մասին ասվում է մահացության մասին առաջին համաշխարհային հետազոտության մեջ։
Lancet-ում հրապարակված նոր լայնածավալ հետազոտությունն ուսումնասիրել է 33 ընդհանուր բակտերիալ պաթոգեններից և 11 տեսակի վարակներից մահացությունը 204 երկրներում և տարածքներում:
Հիվանդության հարուցիչները կապված են եղել 7,7 միլիոն մարդու մահվան հետ, ինչը 2019 թվականին՝ COVID-19 համաճարակի սկզբից մեկ տարի առաջ, գրանցված մահվան ընդհանուր դեպքերի 13,6 տոկոսն է։
Այսպիսով, դրանք դարձել են մահացության երկրորդ հիմնական պատճառը սրտի իշեմիկ հիվանդությունից հետո, որն առաջացնում է ինֆարկտ, ասվում է հետազոտության մեջ։
Տաթև Ֆռանգյան
