23.11.2024 | 14:46
Հայտարարվել է Հակակոռուպցիոն կոմիտեի նախագահի թեկնածուների ընտրության խորհրդի ներկայացուցիչների ներգրավման մրցույթ
Պապիկյանն ընդունեց ամերիկացի գեներալ-մայոր Լասիկային, «Աջափնյակ»-ի մետրոն կկառուցվի. ԼՈՒՐԵՐ
Քաղաքականություն
17.11.2022 | 16:35
- Պաշտպանության նախարար Սուրեն Պապիկյանն ընդունել է ԱՄՆ ԶՈՒ եվրոպական հրամանատարության պլանավորման, քաղաքականության, ռազմավարության և կարողությունների հարցերով տնօրեն, գեներալ-մայոր Դանիել Լասիկայի գլխավորած պատվիրակությանը․ տեղեկացնում են ՀՀ ՊՆ-ից։ Քննարկվել են պաշտպանական ոլորտում երկկողմ համագործակցությանն առնչվող հարցեր:
- Աջափնյակի մետրոյի հարցը հումորային է դարձել, մարդիկ հարցնում են` կառուցելո՞ւ եք։ Կառավարության նիստի ընթացքում այս մասին խոսեց Երևանի քաղաքապետի տեղակալ Տիգրան Ավինյանը և վերահաստատեց՝ Երևանի մետրոյի «Աջափնյակ» կայարանը կառուցվելու է։ «Նախագծման աշխատանքներն այս փուլում ընթանում են, մենք առաջին փուլի նախագծման փաթեթը ստացել ենք: Հաջորդ տարի ամբողջ նախագիծն ունենալու ենք: Այսօր իրար հետ վերահաստատենք, որ կառուցելու ենք Աջափնյակի մետրոն»,- ասաց Ավինյանը:
- 2016 թվականի ապրիլին Քառօրյա պատերազմում զոհված Քյարամ Սլոյանին և Անդրանիկ Զոհրաբյանին հետմահու շնորհվել է «Արցախի հերոս» բարձրագույն կոչում: Այս մասին հաղորդում է «Արմենպրես»-ը։ Երևանում Արցախի ներկայացուցչությունում «Ոսկե Արծիվ» շքանշանները հերոսների ծնողներին հանձնել է Արցախի նախագահ Արայիկ Հարությունյանը:
Այս ժամի լուրերը՝ տեսանյութում։
