02.06.2026 | 23:22
Երևանի տներից մեկում բռնկված հրդեհը մարվել է
Դավիթ Գրիգորյանը՝ Սամբոյի աշխարհի առաջնության արծաթե մեդալակիր
12.11.2022 | 18:42
Սամբոյի աշխարհի 2022թ. առաջնության մրցումային երկրորդ օրը 88 կգ քաշային կարգում հաջող ելույթներ է ունեցել Դավիթ Գրիգորյանը:
Նախնական գոտեմարտերում նա հեշտությամբ հաղթել է ֆրանսիացի Ժան Դելոնսային (3:1), ապա գրեթե հավասար պայքարում (1;1) հաղթահարել վրացի Պաատա Ղվինիաշվիլու արգելքը: Մեր մարզիկի հաջորդ ախոյանը ադրբեջանցի Ջեյհուն Հուսեյնովն էր: Բավականին դրամատիկ ու լարված գոտեմարտն ի վերջո ավարտվել է արցախցու հաղթանակով (5:4):
Ոսկե մեդալի համար նրա մրցակիցը ռուսաստանցի, աշխարհի եռակի չեմպիոն Սերգեյ Րյաբովն էր: Ինչպես տեղեկացնում են Սամբոյի ֆեդերացիայից՝ Դավիթը չի կարողացել դիմադրել ահեղ մրցակցին և բավարարվել է արծաթե մեդալով:
Երեկ 64 կգ քաշային կարգում բրոնզե մեդալի էր արժանացել Մաքսիմ Մանուկյանը:
Առաջնության երրորդ օրը պայքարի մեջ կմտնեն Ալեքսան Ստեփանյանը /79կգ/ և Արսեն Խանջյանը /98կգ/:
