31.10.2026 | 13:06
Արարատ Միրզոյանը մասնակցել է «Մանամայի երկխոսության» բացման արարողությանը
«10 մլն-ով տուն առնել կլինի՞»․ քաշաթաղցիներն այսօր ԱԺ-ում էին․ ՏԵՍԱՆՅՈւԹ
Քաղաքականություն
09.11.2022 | 20:26
Պետության տրամադրած սերտիֆիկատներով բնակարան ձեռք բերելը հեքիաթի ժանրից է։ ՀՀ Ազգային ժողովի մարդու իրավունքների հարցերի մշտական հանձնաժողովի կազմակերպած քննարկմանը սրտնեղում է Քաշաթաղից տեղահանված Վրեժ Հարությունյանը։
Քաշաթաղցիներին պետությունը Երևանում բնակարանի ձեռք բերելու համար առաջարկում է 8 միլիոն, մարզերում՝ 10, իսկ Արցախ վերադառնալու դեպքում՝ 12 միլիոն դրամ։ Ո՞վ կարող է այսօրվա գնաճի պայմաններում մինչև 10 միլիոն դրամով բնակարան ձեռք բերել՝ հարցնում է Վրեժ Հարությունյանը։
Նա դժգոհում է նաև բնակարանային ապահովության ծրագրում Աշխատանքի և սոցիալական հարցերի նախարարության իրականացրած վերջին փոփոխություններից։ Դրա համաձայն՝ Հայաստանի սահմանամերձ գյուղերում հիփոթեքով տուն գնելու դեպքում կտրամադրվի մինչև 14 միլիոն դրամ՝ 1 տոկոս կանխավճարով, իսկ նույն սահմանամերձ գյուղերում տուն կառուցելու դեպքում՝ մինչև 16 միլիոն դրամ՝ կրկին 1 տոկոս կանխավճարով։
Հայաստանում Արցախի կառավարության օպերատիվ շտաբի պետի տեղակալ Սասուն Սավադյանն ասում է՝ երեկվա դրությամբ՝ Արցախից տեղահանված 2331 ընտանիք արդեն սերտիֆիկատ ստացել է։
Քաշաթաղից տեղահանվածները պահանջում են ստեղծել աշխատանքային խումբ, որում պետք է ներգրավված լինեն իրենց ներկայացուցիչները, իսկ խումբը պետք է վեր հանի այն բոլոր խնդիրները, որոնք կան բնակարանների տրամադրման գործընթացում։
ԱԺ մարդու իրավունքների հարցերի մշտական հանձնաժողովի նախագահ Թագուհի Թովմասյանը խոստացավ աշխատանքային խմբի ձևավորման հարցով դիմել Կառավարությանը։
Մանրամասները՝ տեսանյութում։
Շողիկ Գալստյան
