15.11.2024 | 15:35
Հետախուզական ծառայությունը նոր լիազորություն կունենա, Պուտինն ու Ալիևը հեռախոսազրույց են ունեցել․ ԼՈՒՐԵՐ
Օսիպյանի փոխակերպումից մինչև «Մարիոթ»․ երբ գրականությունը դառնում է կանխորոշող և պատվիրատու. ՏԵՍԱՆՅՈՒԹ
Մշակույթ
04.06.2018 | 19:01
Գրականությունը կարող է դառնալ պատվիրատու, կանխորոշող և կոդավորող այն իրադարձությունների, որոնք դեռ պետք է կատարվեն։ Այս կարծիքին են գրողներ Արփի Ոսկանյանն ու Առաքել Սեմիրջյանը, որոնք տարիներ առաջ իրենց պատմվածքներում անուղղակի անդրադարձ էին կատարել թավշյա հեղափոխության որոշ դրվագների։
Արփի Ոսկանյանի «Սապատավոր լյառը» ստեղծագործության մեջ, օրինակ, խոսվում է ոստիկանի կերպարի փոխակերպման մասին, որը մենք վերջին օրերին տեսանք Վալերի Օսիպյանի օրինակով, իսկ ահա Առաքել Սեմիրջյանի «Մարիոթի աղբարը» ստեղծագործությունում ակնարկներ կան հեղափոխության համար որոշիչ տեղ հանդիսացած հյուրանոցի, ժողովրդի տրամադրությունների և «Նիկոլ» անունը վանկարկող ցուցարարների մասին։
«Օսիպյանը 2008-ին և հիմա շատ տարբեր կերպարներում է։ Դա խորհրդանշական է, ցույց է տալիս նոր ժամանակի սկիզբը։ Ահռելի տարբերություն կա այդ երկու կերպարների միջև․ մի դեպքում մենք գործ ունենք գործողությունները մեքենայաբար կատարող մարդու հետ, մյուս դեպքում՝ մարդկային հատկանիշներով օժտված մեկի հետ»,- Factor.am-ի հետ զրույցում ասում է Արփին։
Առաքել Սեմիրջյանն էլ իր հերթին նշում է, որ այսօրվա իրականությունը Մարտի 1-ի չկատարված երազանքների արդյունքն է․ «Այսօր մենք տեսանք համառ գրական պայքարի արդյունքը, մեր գրական պատվերների իրականացումը»։
Մանրամասները՝ տեսանյութում։
Աննա Բաբաջանյան
