18.07.2026 | 13:06
Հակակոռուպցիոն կոմիտեն դիմել է Արդարադատության նախարարությանը՝ helpcourt.am-ի գործունեության հարցով
ԵՄ-ն առաջին անգամ կֆինանսավորի զենքի համատեղ գնումները
Քաղաքականություն
15.11.2024 | 14:07
Եվրամիությունն առաջին անգամ հավանություն է տվել անդամ երկրների կողմից զենքի, այդ թվում՝ հրթիռների և զինամթերքի համատեղ գնումների ֆինանսավորմանը` Ուկրաինա հետագա մասնակի առաքման համար, գրում է DW-ի ռուսական ծառայությունը։
Ընտրված հինգ ծրագրերն իրականացվում են «Եվրոպական պաշտպանական արդյունաբերության հզորացում միասնական գնումների միջոցով» (EDIRPA) մեխանիզմի շրջանակում։
«Առաջին անգամ է, որ մենք օգտագործում ենք ԵՄ բյուջեն՝ աջակցելու անդամ երկրներին պաշտպանության ընդհանուր գնումներում»,- ասել է Եվրահանձնաժողովի փոխնախագահ Մարգրետ Վեստագերը:
Խոսքը հակաօդային և հակահրթիռային պաշտպանության համակարգերի, ժամանակակից զրահատեխնիկայի և զինամթերքի ձեռքբերման մասին է։ Ըստ AFP-ի՝ ներգրավվելու են մինչև ինը մասնակից երկրների խմբեր։ Ընդհանուր առմամբ, նախագծերում ներգրավված են շուրջ 20 անդամ երկրներ, որոնցից ոմանք առաջին անգամ են մասնակցելու EDIRPA-ին։
Թարգմանությունը՝ Տաթև Ֆռանգյանի
