09.09.2026 | 09:59
Պաշտպանության նախարարի չսպասված այցը Արարատյան հովտի զորամասերից մեկը
YouTube-ը կրկին աշխատում է Ռուսաստանում
Քաղաքականություն
15.11.2024 | 15:24
Ռուսական Telegram ալիքները և YouTube-ի օգտատերերը հայտնում են, որ սմարթֆոններում և պլանշետներում տեսահոսթինգի կրկին աշխատում է։ GlobalCheck ծառայության տվյալներով՝ YouTube-ի հասանելիությունը երկրում 100 տոկոս է, փոխանցում է Current Time-ը։
Նոյեմբերի 13-ին ՌԴ նախագահ Վլադիմիր Պուտինը «Մոսֆիլմի» գլխավոր տնօրեն Կարեն Շախնազարովի հետ հանդիպման ժամանակ «խոստացել է լուծել YouTube-ի աշխատանքի դանդաղեցման հարցը»։ Այս մասին հայտնել է ինքը՝ Շախնազարովը։
«YouTube-ի աշխատանքի դանդաղեցումը, իմ կարծիքով, այսօր այնքան էլ նպատակահարմար չէ, ինչին ի պատասխան՝ նախագահն ասել է, որ այնտեղ տեղի են ունենում ամեն տեսակի կեղտոտ հնարքներ։ Նա լսեց և ասաց․ «Ես կհասկանամ, կտեսնեմ»», – Շախնազարովի խոսքերն է մեջբերում ՌԻԱ Նովոստին։
Օգոստոսի սկզբին Ռուսաստանում օգտատերերը սկսեցին բողոքել YouTube-ի աշխատանքի խափանումից: Ավելի վաղ էլ Կրեմլը խոստացել էր սկսել դանդաղեցնել վիդեոհոսթինգի աշխատանքը, քանի որ, ըստ ռուսական իշխանության, ծառայությունը չի արգելափակում ռուսալեզու անկախ լրատվամիջոցներին և Ռուսաստանում արգելված անկախ լրագրողներին, ինչպես նաև չի համապատասխանում Ուկրաինայի դեմ պատերազմը լուսաբանելու՝ Կրեմլի քաղաքականությանը։
Թարգմանությունը՝ Տաթև Ֆռանգյանի
