21.02.2026 | 15:17
Օդի ջերմաստիճանը ողջ հանրապետությունում կնվազի ևս 5-8 աստիճանով
Աբխազիայում ցուցարարները քանդել են խորհրդարանի շենքի երկաթե ցանկապատը․ բախումներ են գրանցվել․ ՏԵՍԱՆՅՈՒԹ
Քաղաքականություն
15.11.2024 | 15:07
Աբխազիայում Ռուսաստանի հետ ներդրումային համաձայնագրի դեմ հանդես եկող ցուցարարները քանդել են խորհրդարանի շենքի երկաթե ցանկապատի մի մասն ու մտել խորհրդարանի տարածք, գրում է Эхо Кавказа-ն։
Հաղորդվում է ցուցարարների և անվտանգության ուժերի ներկայացուցիչների միջև բախումների մասին: Ցուցարարներն իրավապահների ուղղությամբ ձվեր և շշեր են նետել։ Նրանց հաջողվել է կանգնեցնել նաև հրշեջ մեքենան, որով նախատեսել էին փակել ցանկապատի մի մասի քանդումից հետո ստեղծված անցումը։
Աբխազիայի ինքնահռչակ հանրապետության խորհրդարանում իրավիճակը գնալով թեժանում է։ Տելեգրամ ալիքները հայտնում են, որ դեպքի վայրում արցունքաբեր գազ կամ ծխային ռումբեր են կիրառվել։
Հավելենք, որ խորհրդարանն ավելի վաղ չի հաստատել նիստի օրակարգը։
Աբխազիայի իշխանությունները մտադիր էին նոյեմբերի 15-ին քննարկել Սուխումիի և Մոսկվայի միջև ներդրումային համաձայնագրի նախագիծը։
Թարգմանությունը՝ Էմմա Չոբանյանի
