07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Լևոն Արոնյանը հայր է դարձել
22.10.2022 | 13:50
Հայաստանի հավաքականի կազմում շախմատի Համաշխարհային օլիմպիադայի եռակի չեմպիոն, կրկնակի աշխարհի գավաթակիր, գրոսմայստեր, ԱՄՆ հավաքականի անդամ Լեւոն Արոնյանը հայր է դարձել: Հոկտեմբերի 21-ին լույս աշխարհ է եկել Լեւոն Արոնյանի եւ նրա ընտրյալ Անիտա Այվազյանի դուստրը:
2021 թվականի փետրվարի 24-ին Լեւոն Արոնյանը ֆեյսբուքյան գրառումով հայտարարեց Հայաստանի հավաքականից հեռանալու եւ ԱՄՆ դրոշի ներքո հանդես գալու իր որոշման մասին: Նույն տարվա սեպտեմբերի 6-ին Հայաստանի հավաքականի նախկին առաջատարը սիրելիի հետ տեղափոխվեց ԱՄՆ` բնակության:
Այս ընթացքում Համաշխարհային օլիմպիադայի եռակի չեմպիոնը պարբերաբար այցելում է Հայաստան, թիմի հետ մարզումներ անցնակցնում: Օգոստոսին Հնդկաստանում տեղի ունեցած Համաշխարհային օլիմպիադայից առաջ էլ ազգային հավաքականին օգնել էր նախապատրաստվել մրցաշարին: Շախմատի Հայաստանի հավաքականի անդամները Օլիմպիադայում փոխչեմպիոն հռչակվելուց հետո հայտարարեցին, որ թիմի հաջողության հարցում իր մեծ ներդրումն ունի նաեւ Լեւոն Արոնյանը:
