07.10.2026 | 11:20
Հայտնի է հունահռոմեական ոճի ըմբշամարտի Հայաստանի հավաքականի կազմն ԱԱ-ում
Սուրեն Պապիկյանի գլխավորած պատվիրակությունն աշխատանքային այցով մեկնել է Հնդկաստան
Քաղաքականություն
18.10.2022 | 10:03
Պաշտպանության նախարար Սուրեն Պապիկյանի գլխավորած պատվիրակությունն աշխատանքային այցով մեկնել է Հնդկաստան․ տեղեկացնում են ՀՀ ՊՆ-ից։
Հիշեցնենք, որ The Economic Times-ը տեղեկություն էր տարածել, ըստ որի՝ Հնդկաստանը Հայաստանին շուրջ 250 մլն դոլարի հրթիռային կայանքներ և այլ սպառազինություն է մատակարարելու։ Պարբերականի աղբյուրները հայտնել են, որ պատվերը ներառում է Pinaka համազարկային կրակի ռեակտիվ կայանքներ, որոնք պետք է առաջին անգամ արտահանվեն։ Դրանք առայժմ օգտագործվում են միայն հնդկական բանակում: Համակարգի առավելագույն հեռահարությունը կազմում է 40 կմ, Mark-I-ի մոդիֆիկացված տարբերակի համար՝ 60 կմ։ Կայանքը 44 վայրկյանում կարող է 12 հրթիռ արձակել։ Համակարգը տեղադրված է Tatra բեռնատարի վրա: 2019-ին փորձարկվել է համակարգի արդիականացված տարբերակը, որն ունի ավելի քան 90 կմ հեռահարություն։
