19.12.2025 | 18:11
Երեք ռուս սահմանապահներ հատել են Էստոնիայի սահմանը և 20 րոպե մնացել երկրում
Ներկայացվել են կոռուպցիայի կանխարգելման ոլորտում Արդարադատության նախարարության աշխատանքները
Հասարակություն
10.10.2022 | 18:06
Արդարադատության նախարարության գլխավոր քարտուղարի տեղակալ Նվարդ Վարդանյանը մասնակցել և ելույթով է հանդես եկել «Հայաստանի բարեվարքություն» ծրագրի գործողությունների վերաբերյալ աշխատանքային քննարկմանը. տեղեկացնում են ՀՀ ԱՆ-ից։
Նվարդ Վարդանյանը ներկայացրել է Արդարադատության նախարարության կողմից գործընկերների աջակցությամբ ՀՀ հակակոռուպցիոն ռազմավարության և դրա իրականացման 2023-2026թթ. միջոցառումների ծրագրի շրջանակներում իրականացվող աշխատանքների ներկայիս ընթացքը:
Նշվել է, որ Ռազմավարության մշակման գործընթացն իրականացվում է շահագրգիռ լայն շրջանակների մասնակցությամբ, որի շրջանակում տեղի են ունեցել քննարկումներ, հանդիպումներ՝ պետական, բիզնես ոլորտի ներկայացուցիչների և հասարակական կազմակերպությունների մասնակցությամբ, որոնց ընթացքում վեր են հանվել ոլորտային խնդիրներ, ինչպես նաև ներկայացվել են դրանց լուծման հնարավոր ուղիները:
Նվարդ Վարդանյանը կարևորել է կոռուպցիայի դեմ պայքարում կոռուպցիայի կանխարգելման արդյունավետ կառուցակարգերի սահմանումը, ինչպես նաև դրանց պատշաճ գործարկման համար ինստիտուցիոնալ կարողությունների կատարելագործման ապահովումը։
Աշխատաժողովի ընթացքում Արդարադատության նախարարության ներկայացուցիչները ներկայացրել են հակակոռուպցիոն ռազմավարության և դրա իրականացման 2023-2026թթ. միջոցառումների ծրագրի ուղղությունները, կոռուպցիայի դեմ պայքարի ոլորտում հանրային իրազեկման արշավների կարևորությունը, կոռուպցիայի դեմ պայքարի ոլորտում նախարարության տեսլականը և այլ հարցեր:
Միջոցառումը կազմակերպվել է ԱՄՆ Միջազգային զարգացման գործակալության (USAID) կողմից՝ «Հայաստանի բարեվարքություն» ծրագրի շրջանակում:
