07.06.2026 | 23:59
Իրակլի Կոբախիձեն շնորհավորել է Նիկոլ Փաշինյանին ընտրություններում հաջողության կապակցությամբ
Գրականության նոբելյան մրցանակ է շնորհվել ֆրանսիացի Աննի Էրնոյին
Քաղաքականություն
06.10.2022 | 23:21
Ֆրանսիացի գրող Էննի Էռնոն արժանացել է գրականության 2022 թվականի Նոբելյան մրցանակի։ Շվեդիայի ակադեմիայի անդամների այս որոշումը հրապարակվել է հինգշաբթի՝ հոկտեմբերի 6-ին։
Մրցանակը ժյուրին հանձնել է «խիզախության ու վիրաբուժական խորաթափանցության» համար, որով Էռնոն «բացահայտում է անձնական հիշողության արմատները, օտարումը և հավաքական սահմանափակումները», գրում է DW-Ի ռուսական ծառայությունը։
Նորմանդիայում բնիկ Իվտոյի առաջին վեպը լույս է տեսել 1974 թվականին։ Այն, ինչպես և գրողի հետագա շատ գործեր, արտացոլում է նրա կենսագրության իրական դրվագները։
Ինչպես նախկինում ասել է Էռնոն, գրելը քաղաքական ակտ է, որը բացում է աչքերը սոցիալական անհավասարության վրա:
Էռնոյի ստեղծագործություններից են «Կինը», «Իրադարձություն», «Տարիներ», «Աղջկա հիշողություն» և այլն։
Էննի Էռնոն մի շարք գրական մրցանակների է արժանացել։ Մասնավորապես, 1984 թվականին նա ստացել է Ռենաուդոյի մրցանակ, 2008 թվականին՝ Մարգարիտ Դյուրասի մրցանակը «Տարիներ» գրքի համար։ Նույն թվականին Էռնոն այս աշխատանքի համար արժանացել է Ֆրանսուա Մորյակի մրցանակին և ստեղծագործական ամբողջության համար ֆրանսերենի մրցանակին։
Տաթև Ֆռանգյան
