27.07.2026 | 17:49
Թուրքիայի F-16-ները պարեկություն կիրականացնեն Բալթիկ ծովի օդային տարածքում
Հայաստանի հետ սահմանային վեճը լուծել խաղաղ ճանապարհով․ Իրանի ԶՈՒ ԳՇ պետը՝ Զաքիր Հասանովին
Քաղաքականություն
04.10.2022 | 14:46
Իրանի Զինված ուժերի Գլխավոր շտաբի պետ Մոհամմադ Բաղերին նախօրեին հեռախոսազրույց է ունեցել Ադրբեջանի պաշտպանության նախարար Զաքիր Հասանովի հետ, գրում է IRNA գործակալությունը։
Բաղերին, մասնավորապես, նշել է, որ Ադրբեջանն ու Հայաստանը սահմանային վեճը պետք է լուծեն խաղաղ միջոցներով։ Հաղորդվում է, որ զրույցի ընթացքում քննարկվել է Բաքվի ու Երևանի միջև վերջին լարվածությունը։
Ըստ հաղորդագրության՝ Հասանովը նշել է, որ Ադրբեջանի ու Հայաստանի միջև վեճը կարող է լուծվել բանակցությունների միջոցով։
Նա նաև ասել է, որ Ադրբեջանը, իբր, չունի Հայաստանի հող ու չի ծրագրում որևէ ռազմական գործողություն՝ դրանք օկուպացնելու համար։
Էմմա Չոբանյան
