07.08.2026 | 21:17
Իզյումի վրա ռուսական հարվածի հետևանքով 2 մարդ է զոհվել
Ուկրաինացի զինվորականները մտել են Լիման
01.10.2022 | 18:15
Ուկրաինացի զինվորականները մտել են Լիման: Սոցցանցերում տեսանյութ է հայտնվել, որտեղ ուկրաինացի զինվորականները դրոշ են տեղադրում Կրասնի Լիման քաղաքի մուտքի մոտ։ Ականատեսները հաստատել են, որ ուկրաինացի զինվորականները գտնվում են քաղաքի արևմտյան հատվածում։
Ինչպես փոխանցում է Meduza-ն՝ Ուկրաինայի ԶՈՒ-ն վերջին մի քանի շաբաթների ընթացքում հարձակում է գործել Լիմանի շուրջ տեղակայված ռուսական զորքերի դիրքերի վրա։ Կրասնի Լիմանը փոքր քաղաք է Դոնեցկի մարզում, պատերազմից առաջ այնտեղ ապրում էր մոտ 20 հազար մարդ։ Ռուսական զորքերը գրավել են քաղաքը 2022 թվականի ամռան սկզբին։
Ռուսաստանի Դաշնության պաշտպանության նախարարությունը հաստատել է Լիմանից զորքերի նահանջի փաստը։ «Շրջափակման սպառնալիքի ստեղծման կապակցությամբ դաշնակից զորքերը Կրասնի Լիման բնակավայրից դուրս են բերվել առավել շահավետ բնագծեր»,- մեջբերում է «ՌԻԱ Նովոստին» ՌԴ ՊՆ հայտարարությունը։
