25.03.2026 | 13:05
«Խորհրդանշական է, որ «Հայաստան» դաշինքը կողմ քվեարկեց խոշոր կատվազգիների պաշտպանության կոնվենցիային»․ Արման Եղոյան․ ՏԵՍԱՆՅՈՒԹ
Հետպատերազմյան սթրեսը, մարդկանց դեգրադացիան և երկու պատերազմների արանքում մնացած սերունդը. ապաքաղաքական զրույց Արամ Պաչյանի հետ. ՏԵՍԱՆՅՈՒԹ
Հաղորդաշարեր
01.10.2022 | 21:02
Factor TV-ի A-politic հաղորդաշարի հյուրն է գրող Արամ Պաչյանը: Պատասխանելով հարցին, թե ինչո՞ւ 44-օրյա պատերազմի մասին չեն գրվում գեղարվեստական գործեր, գրողը նկատում է, որ առայժմ պատերազմի վավերագրության ժամանակն է, իսկ գեղարվեստական իմաստավորման համար անհրաժեշտ է գտնել ճիշտ խոսքեր, որոնք դեռևս չկան: Պատճառն այն է, որ պատերազմը շարունակվում է ոչ միայն մեզ մոտ, այլև ամբողջ աշխարհում: Կոնկրետ իր սերունդը նա բնութագրում է որպես երկու պատերազմների արանքում մնացած:
Ըստ Արամ Պաչյանի՝ պատերազմներն ավերում են ոչ միայն շենքերն ու քաղաքները, այլև խոսքերը, ինչը և առաջացնում է մարդկության դեգրադացիան: Դրա հետևանքով «հայրենասիրություն», «խիղճ», «հավատ» բառերը մաշվել են, քայքայվել: Իրական հայրենասերները, գրողի խոսքով, այժմ սահմանում են և ճոռոմ բառեր չեն արտասանում: Նրանք լռում են:
Գրականությունը հաղորդման հյուրի համար մարդկանց հետ շփվելու հիմնական միջոցն է: Այդ առումով նա «զուտ լեզվական» է համարում այն հարցը, թե ինչու է իր «Ցտեսություն, ծիտ» վեպում պատմությունը ներկայացնում միաժամանակ առաջին, երկրորդ և երրորդ դեմքերից: Յուրաքանչյուր դեմքի տակ բազմաթիվ այլ ձայներ կարելի է լսել: Արամ Պաչյանի կարծիքով՝ գրականության մեջ թեմաներն ու սյուժեներն անընդհատ կրկնվում են, և տարբերությունն այն է, թե ինչպես են գրողն ու իր ընթերցողն այդ սյուժեները վերապրում:
Մանրամասները՝ տեսանյութում:
