01.11.2024 | 23:19
Հրդեհ Գյումրու տներից մեկում
ՀՀ պաշտպանության բյուջեն 1,5 անգամ կմեծանա․ Փաշինյանը՝ աշխարհի փլուզման և ՀՀ անելիքների մասին․ Լուրեր
Քաղաքականություն
29.09.2022 | 16:24
- 2023 թվականի պետական բյուջեով նախատեսվում է ՀՀ պաշտպանության ապահովման բյուջեն ավելացնել 47,2 տոկոսով կամ 160 մլրդ 716 մլն դրամով։ Այս մասին նշված է 2023 թվականի պետական բյուջեի մասին օրենքի նախագծում։ Եթե խորհրդարանի կողմից նախագիծը հաստատվի, ապա 2023-ին ՀՀ պաշտպանության ապահովման բյուջեն կկազմի 501 մլրդ 285 մլն դրամ։
- Վարչապետ Նիկոլ Փաշինյանն այսօր կառավարության նիստին ասել է, որ աշխարհակագը փլուզվում է, և Հայաստանը պետք է կենտրոնանա երեք ռազմավարական ուղղությունների վրա՝ Հայաստանի շուրջ տևական խաղաղություն և կայունություն հաստատելու, կրթության ոլորտում բարեփոխումների և պետական խոշոր ներդրումների, և բանակի հետևողական բարեփոխումների։
- Սյունիքի մարզ այցի ընթացքում Հայաստանում ԱՄՆ դեսպան Լին Թրեյսին հանդիպել է տեղահանված և սեպտեմբերի կեսերի հարձակումներից տուժած ընտանիքների ու անձանց հետ։ Քննարկվել են մարզի բնակչության առաջ ծառացած մարտահրավերները ու հրատապ խնդիրների լուծման ուղիները։ Դեսպան Թրեյսին այցելել է Ակներ գյուղում, որը տուժել էր հրետակոծությունից։
Այս ժամի լուրերը՝ տեսանյութում։
