27.07.2026 | 20:02
Ինչպես են իրականացվել գաղտնալսումները․ Հակակոռուպցիոն կոմիտեի փոխնախագահը մանրամասներ է պատմում. ՏԵՍԱՆՅՈՒԹ
Տեր-Պետրոսյանն ընթերցեց նախագահների հանդիպման ժամանակ իր առաջարկած հայտարարության նախագիծը․ ՏԵՍԱՆՅՈւԹ
Քաղաքականություն
26.09.2022 | 23:04
Մեզ անհանգստացրել էր երկրի ծանր վիճակը։ Այս մասին Հանրային հեռուստաընկերության եթերում հայտարարեց առաջին նախագահ Լևոն Տեր-Պետրոսյանը՝ խոսելով ՀՀ և ԱՀ նախագահների և Ամենայն հայոց կաթողիկոսի հանդիպման մասին։
«Սեպտեմբերի 18-ն էր, ինձ այցելեց Վեհափառ հայրապետը, նստեցինք, երկար խոսեցինք էս վիճակի մասին, վտանգների մասին և ելքեր փնտրելու անհրաժեշտության մասին։ Որոշեցինք, որ արժե հանդիպել, կազմակերպել նման մի հանդիպում։ Ի դեպ, Վեհափառը նաև որոշել է շարունակման դեպքում Հայաստան հրավիրել նաև Մեծի Մեծի Տանն Կիլիկիո կաթողիկոս Արամ Առաջինին ավելի համահայկական բնույթ տալու համար այս խնդրին»,- նշեց Տեր-Պետրոսյանը՝ լուսավոր կետ համարելով այդ հանդիպումը։
ՀՀ առաջին նախագահը նշեց, որ ինքը հանդիպման արդյունքի վերաբերյալ նախապես տեքստ էր կազմել, սակայն քանի որ հանդիպման մյուս մասնակիցները չհամաձայնեցին դրան, ընդունվեց հրապարակված տեքստը։
Տեր-Պետրոսյանն ընթերցեց իր կողմից կազմված տեքստը, որում նշված էր․ «Հաշվի առնելով ներկայիս գերզգայուն իրավիճակում մեր երկրի առջև կանգնած լրջագույն խնդիրները և դրանք լուծելու համար պահանջվող ցավոտ որոշումները՝ խորհրդակցության մասնակիցները օրվա գլխավոր խնդիր են համարում ազգային համախմբման կայացումը և իշխանության ու ընդդիմության միջև կառուցողական երկխոսության սկզբնավորումը»։
Առաջին նախագահը չցանկացավ ասել, թե ով է դեմ եղել իր ներկայացրած հայտարարությանը։ Նա նշեց, որ այս իրավիճակը պահանջում է երկխոսություն և համատեղ երկխոսության կայացում։
«Ես նաև հիմնավորել եմ (և բոլորի համար անակնկալ էր իմ առաջարկը) հետևյալը. մենք գտնվում ենք այնպիսի մի ճակատագրական վիճակում, երբ որ էդ բոլոր նախկին հակասությունները, վեճերը, իրար, կարելի է ասել, ջնջելը՝ չնայելով վաստակին, կատարածին, էնպիսի մի պահ է, որ պահանջում է այսպիսի երկխոսություն և համատեղ որոշման կայացում»,-նշեց Տեր-Պետրոսյանը։
Մանրամասները՝ տեսանյութում․
