07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Նենսի Փելոսիի ասուլիսի թարգմանությունը ձախողելու համար Ազգային ժողովի աշխատակազմի ղեկավարին տույժի են ենթարկել
23.09.2022 | 18:23
ՀՀ Ազգային Ժողովի կայքում հրապարակվել է ԱԺ նախագահ Ալեն Սիմոնյանի կարգադրությունը կարգապահական տույժ կիրառելու մասին։ Կարգադրության մեջ ասված է․ «Ղեկավարվելով Հայաստանի Հանրապետության աշխատանքային օրենսգրքի 223-րդ հոդվածի 1-ին մասի 1-ին կետով, Ազգային ժողովի խորհրդի 2017 թվականի հունիսի 12-ի ԱԺԽՈ-006-Լ որոշման 1-ին հավելվածի 18-րդ կետի 1-ին ենթակետով՝ կարգադրում եմ.
1. Աշխատանքային պարտականությունները ոչ պատշաճ կատարելու համար Ազգային ժողովի աշխատակազմի ղեկավար-գլխավոր քարտուղար Վահան ՆԱՐԻԲԵԿՅԱՆԻ նկատմամբ կիրառել կարգապահական տույժ՝ նկատողություն»:
Factor.am-ի հետ զրույցում ԱԺ նախագահի մամուլի խոսնակ Ծովինար Խաչատրյանը հայտնեց, որ նկատողությունը հայտարարվել է սեպտեմբերի 18-ին Աժ-ում ԱՄՆ ներկայացուցիչների պալատի խոսնակ Նենսի Փելոսիի և կոնգրեսի պատվիրակության ասուլիսի համաժամանակյա թարգմանության ընթացքում ծագած խնդիրների համար։
