23.04.2026 | 12:39
Դնեպրին ռուսական հարվածի հետևանքով երկու մարդ է զոհվել
Բլինքենը Չավուշօղլուի հետ քննարկել է Երևանի և Բաքվի միջև հակամարտության կարգավորումը
Քաղաքականություն
20.09.2022 | 19:11
ԱՄՆ պետքարտուղար Էնթոնի Բլինքենը Նյու Յորքում հանդիպել է Թուրքիայի արտգործնախարար Մևլութ Չավուշօղլուի հետ, որի ընթացքում, ի թիվս այլ հարցերի, քննարկել է Ադրբեջանի և Հայաստանի միջև հակամարտության կարգավորման, ինչպես նաև Ուկրաինայի շուրջ ստեղծված իրավիճակը, հացահատիկային գործարքը, որը ներառում է Սև ծովով պարենամթերքի արտահանումը։ Այս մասին ասված է Պետքարտուղարության մամուլի ծառայության ղեկավար Նեդ Փրայսի հայտարարության մեջ։
Բլինքնենն ու Չավուշօղլուն «քննարկել են Հարավային Կովկասում լարված իրավիճակը։ Պետքարտուղարը նշել է, որ Միացյալ Նահանգները շարունակում է փոխգործակցությունը՝ Ադրբեջանի և Հայաստանի միջև երկխոսությունը խթանելու և հակամարտության հարատև կարգավորման հասնելու համար»։
«Նրանք քննարկել են նաև ՆԱՏՕ-ի համակարգման և միասնության ամրապնդման ուղիները՝ ի պատասխան Ուկրաինայի դեմ Ռուսաստանի պատերազմի»,- ասվում է հայտարարության մեջ։
Տեղեկացվում է, որ Բլինքենը շնորհակալություն է հայտնել Թուրքիային դիվանագիտական ջանքերի համար՝ ուղղված Սև ծովով ուկրաինական հացահատիկի մատակարարման շարունակականության ապահովմանը։
Հիշեցնենք, որ սեպտեմբերի 13-ին ՀՀ ինքնիշխան տարածքի նկատմամբ ադրբեջանական ագրեսիայի սկսվելուց հետո կայացած ՀՀ ԱԽ նիստում որոշում էր կայացվել դիմել ոչ միայն ՌԴ-ին և ՀԱՊԿ-ին, այլ նաև ՄԱԿ-ի Անվտանգության խորհրդին, որտեղ այժմ նախագահող Ֆրանսիան նախաձեռնել էր Հայաստանի դիմումի հիման վրա նիստ հրավիրելու գործընթացը։
Տաթև Ֆռանգյան
