17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Ռուսական «Առաջին ալիքի» մեկնաբանը ներողություն է խնդրել ՀՀ սուվերեն տարածքը ԼՂ «վիճելի տարածք» անվանելու համար․ ՏԵՍԱՆՅՈՒԹ
Քաղաքականություն
20.09.2022 | 18:23
Ռուսական «Առաջին ալիքի» մեկնաբան Անատոլի Կուզիչևը եթերում ներողություն է խնդրել ավելի վաղ հաղորդման ժամանակ արած այն հայտարարության համար, որով ՀՀ տարածքը անվանում էր ԼՂ տարածք։
Հիշեցնենք, որ «Առաջին ալիքի» «Время покажет» հաղորդման ժամանակ մեկնաբանելով ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի այցը Երևան և հայտարարությունը, որով Փելոսին դատապարտել է Ադրբեջանի անօրինական մահացու հարվածները ՀՀ տարածքին, Կուզիչևը նշել էր, թե դա ճիշտ չէ, քանի որ խոսքը գնում է Լեռնային Ղարաբաղի կամ Արցախի «վիճելի տարածքի» մասին։
Այսօր արդեն նա հրապարակային ներողություն է խնդրել։
«Մեր հաղորդումը հայտնի է նրանով, որ մենք մեր խոսքերի համար պատասխան ենք տալիս։ Այս անգամ էլ այդպես կլինի։ Ես երեկ սխալվել եմ։ Խոսքը գնում էր ՀՀ սահմամերձ շրջանների ու տարածքների մասին, այլ ոչ թե չճանաչված ԼՂ-ի կամ Արցախի մասին։ Ներողություն եմ խնդրում նման հիմար սխալի համար»,- ասել է նա։
Այնուամենայնիվ, հավելենք, որ ռուսական դաշնային հեռուստաալիքների եթերում, այդ թվում՝ «Առաջին ալիքի», նախօրեից հնչում են Հայաստանի, հայ ժողովրդի հասցեին վիրավորանքներ ու սուտ տեղեկություններ։ Հայաստանի ինքնիշխան տարածքի դեմ Ադրբեջանի ագրեսիան դատապարտող որևէ հայտարարություն չկա, չեն ներկայացվել նաև ադրբեջանական ագրեսիայի հետևանքները։
Էմմա Չոբանյան
