18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Մինչ այս պահը ՆԱՏՕ-ն չի մարտնչում Ռուսաստանի դեմ․ դաշինքի ներկայացուցիչը զգուշացրել է՝ երբ կարող է պատերազմել ՌԴ դեմ
Քաղաքականություն
20.09.2022 | 17:37
ՆԱՏՕ-ն օգնություն է տրամադրում Ուկրաինային ռուսական ագրեսիային հակազդելու հարցում, սակայն դա չի նշանակում, որ դաշինքը պատերազմի մեջ է Ռուսաստանի Դաշնության հետ։ Պատերազմը կսկսվի միայն այն դեպքում, եթե Ռուսաստանը որոշի հարձակվել ՆԱՏՕ-ի անդամ երկրներից մեկի վրա։ Այս մասին ERR-ին տված հարցազրույցում ասել է ՆԱՏՕ-ի ռազմական կոմիտեի ղեկավար, ծովակալ Ռոբ Բաուերը։
«Ո՛չ։ ՆԱՏՕ-ն պատերազմի մեջ չէ Ռուսաստանի հետ։ Ես այդ մասին պետք է հստակ հայտարարեմ։ Եթե Ռուսաստանը հարձակվի մեր անդամ երկրներից որևէ մեկի վրա, միանգամայն պարզ կլինի, և մենք ջանում ենք ՌԴ-ին առավելագույն հստակությամբ դա հասկացնել տալ, որ մենք կպաշտպանենք մեր դաշնակիցների տարածքի յուրաքանչյուր թիզը։ Այդ ժամանակ կլինի Ռուսաստանի և ՆԱՏՕ-ի հակամարտությունը։ Մինչ այս պահը ՆԱՏՕ-ն չի մարտնչում Ռուսաստանի դեմ»,- նշել է նա։
Շատ կարևոր է, որ Ուկրաինան մնա ինքնիշխան պետություն, ընդգծել են զինվորականները։ Նրա խոսքով՝ միայն Ուկրաինան կարող է որոշել, թե ինչպես կավարտվի պատերազմը։
«ՆԱՏՕ-ն իր գործողություններով աջակցում է Ուկրաինային և այդ երկրի անքակտելի իրավունքին՝ պաշտպանվելու իր վրա հարձակվողից։ Սա գրված է ՄԱԿ-ի կանոնադրության մեջ: Հետևաբար, օրինական է, որ ՆԱՏՕ-ի անդամները և ավելի քան 20 այլ երկրներ աջակցում են Ուկրաինային: Նրանք աջակցում են հնարավոր բոլոր մեթոդներով»,- ամփոփել է Բաուերը:
Հավելենք, որ ԱՄՆ-ն իր դաշնակիցների հետ քննարկում է Ուկրաինային հակաօդային պաշտպանության համակարգեր և կործանիչներ տրամադրելու հնարավորությունը։
Տաթև Ֆռանգյան
