18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Թուրք պատգամավորը սպառնացել է հայերին
Քաղաքականություն
19.09.2022 | 21:40
Հայ-թուրքական հարաբերությունների կարգավորման բանակցությունների և այդ հարցում պատրաստակամության մասին Անկարայի հայտարարությունների ֆոնին Թուրքիայի խորհրդարանական ազգայնական «Մեծ միասնություն» կուսակցության նախագահ Մուսթաֆա Դեսթիջին, որը իշխող դաշինքի գործընկերն է, սպառնացել է՝ «Հայաստանը ջնջել պատմությունից և աշխարհագրությունից»։
«Մենք Հայաստանի վարչակազմին ասում ենք՝ վճռե՛ք։ Եվս մեկ անգամ հիշեցնում եմ, որ թուրք ժողովուրդն ի վիճակի է Հայաստանը ջնջել պատմությունից ու աշխարհագրությունից, և որ նրանք կանգնած են մեր համբերության սահմանին»,- հայտարարել է թուրք պատգամավորը։
Նշենք, որ Դեսթիջին հայտնի է բազմաթիվ արմատական ֆաշիստական հայտարարություններով ու հայ ժողովրդի դեմ նախաձեռնություններով։ 44-օրյա պատերազմի ժամանակ նա բացեիբաց առաջարկել է զորք ուղարկել՝ Ադրբեջանին օգնելու, ինչպես նաև պահանջել է արտաքսել մոտ հարյուր հազար հայ աշխատանքային միգրանտների։
Տաթև Ֆռանգյան
