15.04.2026 | 16:52
Իսրայելը հարվածել է Լիբանանին. «Հըզբոլլահ»-ն իր հերթին հրթիռակոծել է Իսրայելի հյուսիսը
«Հոկտեմբերի 27» եք տենչո՞ւմ․ չեք տեսնի․ Անդրանիկ Քոչարյան․ ՏԵՍԱՆՅՈՒԹ
Քաղաքականություն
15.09.2022 | 12:37
«Մեր երկրին համերաշխություն է պետք»,- այս մասին ԱԺ ամբիոնից հայտարարեց «Քաղաքացիական պայմանագիր» խմբակցության պատգամավոր Անդրանիկ Քոչարյանը։
«Մարտի 1-ի էջը փակված չէ․․․ Մարտի 1-ի էջը պետք է բացվի, որովհետև եթե այդ էջը լիարժեք բացվեր, ապա տեղի չէր ունենա ո՛չ 2020-ի նոյեմբերի 9-ը, ո՛չ էլ երեկվա խժդժությունը։ Այդ խմբավորումները շարունակում են մնալ կենսունակ, Մարտի 1-ի ժամանակ նրանց զինել էին, այս անգամ լավ է, որ զենքով չհայտնվեցին․․․
Երեկ մի կարևոր արձանագրում արեց վարչապետը, երբ խոսք գնաք ԱԱԾ պաշտոնաթող գեներալների մասին, Փաշինյանը պոռթկաց և ասաց՝ եթե շատ խորանանք, այնտեղ լիքը շպիոններ կգտնենք։ Գեղամ Մանուկյանն այսօր ասաց՝ հազարավոր մարդիկ էին այնտեղ, այո, նոյեմբերի 9-ին կային հազարավոր մարդիկ։ Միանգամից հավաքվեցին, միանգամից անհետացան, որովհետև օրակարգը մեկն էր՝ ոնց անենք , պահը բռնացնենք իշխանությանը հեռացնենք։ Բայց իշխանությանը հեռացնելու մի մեխանիզմ կա՝ ընտրություններն են։ Լավ, ասենք թե բռանցրեցիք Նիկոլ Փաշինյանին, հաշվեհարդար տեսաք… Տեսա՞ք այնտեղ մի խուճուճ մազերով աղջիկ կար, կարծես թե անունը Գայանե է, ասում էր․ «Չկա՞ մեկը, որ Հոկտեմբերի 27 անի։ Յա, աղջիկ ջա՞ն, «Հոկտեմբերի 27» ես տենչո՞ւմ։ «Հոկտեմբերի 27» չեք տեսնի, բայց իշխանության կողմից այս հարցերի ամբողջ ծավալով լուծումը պետք է տեսնեք։ «Հոկտեմբերի 27»-ի պատճառով է, որ այսօր այս վիճակում ենք։
Կարծում եմ ամբողջությամբ պետք է ուսումնասիրվի հավաքվածների ամբողջ պատկերը, և պարզել, թե որտեղ է գտնվում նրանց կառացարող «կնոպկան» և այդ «կնոպկան» պետք է ոչնչացնել անմիջապես, որովհետև ամեն անգամ նման առիթներով, երբ որ պատերազմ է սահմանին, այդ «կնոպկան» միանալու է»,- նշեց Քոչարյանը։
«Բացի դրանից՝ հավաքվածների մեջ մենք տեսանք մեր պահեստազորի համար հսկայական մարդկանին ռեսուրս»,- հավելեց պատգամավորը։
Քոչարյանն ընդգծեց, որ Հայաստանը պատերազմական վիճակից դուրս չի եկել, երկրին համերաշխություն է պետք։
Մանրամասները՝ տեսանյութում։
