10.05.2024 | 01:47
Որքան մարդ է մասնակցել հանրահավաքին. ԻՔՄ-ի հաշվարկը
ՄԱԿ-ի ԱԽ-ն Հայաստանին ու Ադրբեջանին հրադադարի կոչ է անում
Քաղաքականություն
14.09.2022 | 23:30
ՄԱԿ-ի ԱԽ անդամները այսօր կայացած նիստի ժամանակ կոչ են արել շուտափույթ դադարեցնել կրակը Բաքվի և Երևանի միջև, պատրաստվում է Անվտանգության խորհրդի հայտարարություն մամուլի համար։ Այս մասին լրագրողներին հայտնել է ՄԱԿ-ում ՌԴ մշտական ներկայացուցիչ Վասիլի Նեբենզյան, գրում է Ռիա Նովոստին։
«Բոլորը միաձայն հանդես են եկել կրակի շուտափույթ դադարեցման և քաղաքական ու դիվանագիտական միջոցներով իրավիճակի կարգավորման օգտին: Այժմ քննարկվում են «մամուլի համար նախատեսված էլեմետները», փորձագետները վերջնական տեսքի են բերում դրանք»,-ասել է նա։
Նեբենզյան հավելել է, թե Մոսկվան պնդում է, որ այդ հայտարարությունում անպայման հղում լինի 2020 և 2021թթ-ի եռակողմ հայտարարություններին, որոնք հիմք են հանդիսանում երկու երկրների հարաբերությունների կարգավորման համար, պարունակում են հրադադարի պարտավորություններ ու մի շարք նախագծեր, որոնք կողմերը պետք է ձեռնարկեն։
«Մենք պատմել ենք այն ջանքերի մասին, որոնք Ռուսաստանը գործադրել է և՛ անհատապես, և՛ ՀԱՊԿ-ի միջոցով իրավիճակի կարգավորման և հրադադարի հասնելու համար, այն ջանքերի մասին, որոնք ՀԱՊԿ-ը կներդնի Հավաքական անվտանգության խորհրդի նիստից հետո: Գործընկերները դրա համար մեզ շնորհակալությւոն հայտնեցին մեզ տեղեկությունը կիսելու և գործադրած ջանքերի համար»,-ասել է նա։
Էմմա Չոբանյան
