16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Հայաստանը նշում է վտանգի մասին՝ բախումները կարող են վերաճել պատերազմի․ ՀՀ ԱԳ փոխնախարարի հարցազրույցը Reuters-ին
Քաղաքականություն
14.09.2022 | 21:05
Հայաստանը հայտարարում է, որ վտանգ կա, որ Ադրբեջանի հետ մահացու բախումները կարող են վերաճել պատերազմի, և կոչ անում գերտերություններին՝ ավելի մեծ ուշադրություն դարձնել ծանր իրավիճակին, որը, ըստ նրա, կարող է հանգեցնել նախկին Խորհրդային միության տարածքում ևս մեկ խոշոր հակամարտության, գրում է Reuters գործակալությունը։
ՀՀ ԱԳ փոխնախարար Պարույր Հովհաննիսյանը գործակալությանը տված հարցազրույցում հայտարարել է, որ 50 հայ զինվոր է զոհվել, 3 քաղաքացիական անձ վիրավորվել է՝ նշելով, որ թվերը զգալիորեն կաճեն։
Լիովին պատերազմի վերաճելու վտանգի մասին հարցին ի պատասխան՝ նա ասել է․ «Կա հստակ վտանգ։ Գիտեք, թե մեր տարածաշրջանում իրավիճակն ինչքան փխրուն է։ Իրավիճակ շարունակում է սրվել»։
ՀՀ ԱԳ փոխնախարարը նշել է, որ կատարվածին միջազգային հանրության կողմից ավելի մեծ ուշադրություն է անհրաժեշտ։
«Դուք խոսեցիք Ուկրաինայի մասին, դա այն է, ինչի վրա հույս է դրել մեր հարևանը՝ ամբողջ ուշադրությունը կլինի այնտեղ, և ոչ մի պատշաճ արձագանք մեր հիմնական գործընկերների կողմից»,- նշել է Հովհաննիսյանը։
Խոսելով ՌԴ-ից ունեցած ակնկալիքներից՝ ՀՀ ԱԳ փոխնախարարն ասել է․ «Մենք ունենք ռազմական համաձայնություն, նա մեր գլխավոր ռազմական գործընկերն է և կան որոշակի դրույթներ, որոնք խնդրել ենք կատարել»։
Էմմա Չոբանյան
