24.05.2026 | 15:29
Տեղամասային կենտրոնի փոփոխություն՝ օնլայն դիմումով․ ԿԸՀ-ի պարզաբանումը
Հայտնի է Թուրքիայի դիտակետերի թիվը Սիրիայում
24.05.2018 | 15:05
2017թ. հոկտեմբերի 13-ին Սիրիայի Իդլիբ նահանգ ներխուժած Թուրքիայի զինված ուժերը մինչև օրս այդտեղ ստեղծել են 12 դիտակետ. տեղեկացնում է ermenihaber-ը:
Ռազմական աղբյուրները հայտնում են, որ անվտանգության գոտի հայտարաված Իդլիբի մյուս երաշխավոր երկրները՝ Ռուսաստանը և Իրանը, Իդլիբում ունեն համապատասխանաբար 10 և 8 դիտակետեր։
Թուրքական «Habertürk»-ի թղթակից Չեթիներ Չեթինի տեղեկություններով` դիտակետերի միջև հնարավոր վտանգները կանխելու համար 3 երկրները ստեղծել են նաև «Կապի համակարգման համատեղ կենտրոնն», որի միջոցով մշտական կապ են պահպանում միմյանց հետ։
Որպես հնարավոր վտանգ՝ թուրքական աղբյուրը համարում է Սիրիայի կառավարական ուժերի մուտքը Իդլիբ։ Նշվում է, որ եռակողմ համագործակցությունը Սիրիայում ընդլայնվելու է։
Հիշեցնենք, որ Աստանայում ձեռք բերված համաձայնությամբ՝ Իդլիբը «անվտանգության» գոտի էր հայտարարվել: Որպես երաշխավոր երկրներ՝ հանդես են գալիս Իրանը, Թուրքիան և Ռուսաստանը:
