Ընդդիմությունը վերադարձել է ԱԺ․ կքննարկվի ադրբեջանական հարձակման վերաբերյալ հայտարարարության նախագիծը․ ՏԵՍԱՆՅՈՒԹ

Մեկնարկել է ԱԺ նիստը։ Ընդդիմությունը վերադարձել է ԱԺ։

ԱԺ նախագահ Ալեն Սիմոնյանը ներկայացնելու է ադրբեջանական հարձակման վերաբերյալ ԱԺ հայտարարության նախագիծ:

««ԱԺ Կանոնակարգ» սահմանադրական օրենքում ամրագրված 98-րդ հոդվածի 4-րդ մասի համաձայն՝ ներկայացնելու եմ ՀՀ ԱԺ հայտարարության նախագիծ ադրբեջանական հարձակման վերաբերյալ»,- նշեց Սիմոնյանը:

Սիմոնյանը նաև հայտնեց, որ ժամը 11-ին ԱԺ-ում կլինի ՀՀ վարչապետը:

«Հնարավորություն կունենաք նրան հարցեր ուղղել: Վարչապետը նաև ելույթ կունենա ու կներկայացնի այն իրավիճակը, որը կլինի այդ պահի դրությամբ»,- նշեց ԱԺ նախագահը:

ԱԺ ընդդիմադիր խմբակցություններից նիստին ներկա են «Հայաստան» խմբակցության ղեկավար Սեյրան Օհանյանը և քարտուղար Արծվիկ Մինասյանը:

«Այստեղ ենք, որպեսզի առաջադրենք առաջարկը, պահանջը, որպեսզի ընթացիկ օրակարգերը մի կողմ մղվեն, և քննարկվի ստեղծված իրադրությունը»,- նշեց Մինասյանը:

Նշենք, որ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները Գորիսի,Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ բացել հայկական դիրքերի ուղղությամբ: Հակառակորդը կիրառում է նաեւ ԱԹՍ-ներ: ՀՀ զինված ուժերը համարժեք պատասխան են տալիս: Իրադրությունը հայ-ադրբեջանական սահմանին ժամը 08.00-ի դրությամբ էական փոփոխություններ չի կրել: Սահմանի որոշ հատվածներում դիրքային մարտերը նույնպես շարունակվում են: Հակառակորդը չի դադարեցնում առաջխաղացման փորձերը: Հայկական կողմը հայտնել է զոհերի և վիրավորների մասին:

Մանրամասները՝ տեսանյութում։