16.09.2026 | 14:42
Թբիլիսիում տեղի է ունեցել Trump Tower նախագծի շնորհանդեսը
ԱՄՆ-ը դեռևս վիզաներ չի տրամադրել ռուսական պատվիրակությանը՝ ՄԱԿ-ի Գլխավոր վեհաժողովին մասնակցելու համար
Քաղաքականություն
12.09.2022 | 19:56
ԱՄՆ-ը դեռևս վիզա չի տրամադրել ռուսական պատվիրակությանը՝ ՄԱԿ-ի Գլխավոր վեհաժողովի բարձր մակարդակի շաբաթվան մասնակցելու համար։ Այս մասին ՏԱՍՍ-ին հայտնել է իրազեկ աղբյուրը։
«Ո՛չ, առաջընթաց չկա»,- ասել է աղբյուրը՝ պատասխանելով համապատասխան հարցին։
Ավելի վաղ ՌԴ ԱԳ նախարար Սերգեյ Լավրովն իր գործընկերներին խնդրել էր այլևս չհիշեցնել ԱՄՆ-ին վիզային պարտավորությունների մասին։ Նախարարի խոսքով՝ ՄԱԿ-ի գլխավոր քարտուղար Անտոնիո Գուտերեշը նույնպես պարտավոր է ապահովել բոլոր պատվիրակությունների մասնակցությունը ՄԱԿ-ի միջոցառումներին։
Նյու Յորքում ՄԱԿ-ի Գլխավոր վեհաժողովը մեկնարկում է սեպտեմբերի 20-ին։ Նախնական տվյալներով՝ Լավրովի ելույթը նախատեսված է սեպտեմբերի 24-ին։
Էմմա Չոբանյան
