07.08.2026 | 22:29
Երթևեկության կազմակերպման փոփոխություն՝ Սայաթ-Նովայի պողոտայում
Սթրես եք առաջացնում մարդկանց մոտ, հանկարծակի ստուգումով բացահայտում եք, որ հավաքարարին չի՞ գրանցել․ ՏԵՍԱՆՅՈՒԹ
Հասարակություն
12.09.2022 | 17:59
Ազգային ժողովն առաջին ընթերցմամբ քննարկում է ««Հայաստանի Հանրապետությունում ստուգումների կազմակերպման և անցկացման մասին» օրենքում փոփոխություններ կատարելու մասին» օրենքի նախագիծը:
Առաջարկվում է վերացնել անօրինական աշխատանքի նկատմամբ վերահսկողություն իրականացնելիս տեսչական մարմնի կողմից ստուգումը սկսելուց առնվազն երեք աշխատանքային օր առաջ տնտեսվարող սուբյեկտին տեղեկացնելու մասին պահանջը:
ՔՊ խմբակցության պատգամավոր Սերգեյ Բագրատյանը հետարքրքվեց․ «Ո՞րն է այս նախագծի նպատակը, բռնացնե՞լը։ Գուցե երևույթը վերացնելու մասին մտածենք։ Բռնացնելու ճանապարհով, կարծում եմ, սխալ փիլիսոփայություն ենք ընտրել։ Ստուգումներով չէ, որ պետք է նման փաստերը հայտնաբերվեն։ Մեխանիզմներ են պետք, որպեսզի գործատուն աշխատակիցներին չթաքցնի։ Դուք ի՞նչ սթրեսներ եք առաջացնում մարդկանց մոտ։ Հանկարծակի ստուգումով ուզում եք բռնացնել, որ հավաքարարին չի՞ գրանցել»։
Հերիքնազ Տիգրանյանը վստահեցրեց, որ նախագծի նպատակը տնտեսվարողին բռնացնելն ու տուգանելը չէ․ «Բայց օրենքով նախատեսված կան բացառություններ՝ եռօրյա ժամկետի բառացման համար։
Երբ երեք օր առաջ զգուշացնում եք, որ գնալու եք ստուգելու, այդ թվում թաքնված աշխատուժը, ապա, բնականաբար, այդ օրն աշխատանքի չեն գա նրանք, ովքեր աշխատում են առանց պայմանագրի։ Հետևաբար, իրական պատկերը չի արձանագրվի, պարզ չի լինի, թե որքան ստվերային աշխատողներ կան»։
Մանրամասները՝ տեսանյութում։
