15.09.2026 | 10:56
Գալուզինը ԵՄ-ի՝ Հայաստանին տրված խոստումները «վերացական» է անվանել
Պատրիարք Կիրիլը կոչ է արել բոլորին «աղոթել Պուտինի համար»
Քաղաքականություն
12.09.2022 | 18:07
Ալեքսանդր Նևսկու կրտսեր որդու և Մոսկվայի իշխաններից առաջինի՝ Սուրբ Դանիելի հիշատակի օրը Մոսկվայի և Համայն Ռուսիո պատրիարք Կիրիլն ասել է, որ Ռուսաստանն առանձնահատուկ դեր է խաղում համաշխարհային պատմության մեջ, և այսօր այս հատուկ առաքելությունը կրկին վստահված է նրան։ Պատրիարքը նաև կոչ է արել աղոթել ՌԴ նախագահ Վլադիմիր Պուտինի համար, ասված է Ռուսական ուղղափառ եկեղեցու պաշտոնական կայքում հրապարակված հայտարարության մեջ։
«Այսօր ուզում եմ նորից ասել, որ մենք ապրում ենք այս շատ դժվար ժամանակաշրջանում, հետևաբար, մեր աղոթքները հատկապես ուղղված են մեր պետության ղեկավարին, գերագույն գլխավոր հրամանատարին, Վլադիմիր Պուտինին, որը հատուկ պատասխանատվություն է կրում»,- ասել է Ռուսիո պատրիարքը։
Նա նաև կոչ է արել աղոթել հրամանատարների ու բոլոր նրանց համար, ովքեր իշխանության գլխին են, որպեսզի «Աստված նրանց պահպանի սխալներից ու պաշտպանի արտաքին սպառնալիքներից»։
Հիշեցնենք, որ Ուկրաինայի Զինված ուժերը լայնածավալ հակահարձակում են սկսել և որոշակի հաջողություններ են գրանցել։ Պատերազմի ուսումնասիրման ամերիկյան ինստիտուտի տվյալներով՝ ուկրաինական զորքերը, արագ հակահարձակման արդյունքում հետ գրավելով գրեթե ողջ Խարկովի շրջանը, մեծ պարտության են մատնել Ռուսաստանին։ Ուկրաինայի Զինված ուժերի հրամանատարությունն էլ հայտնել է մեկ օրում 20 բնակավայր ազատագրելու մասին։
Տաթև Ֆռանգյան
