23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ուկրաինան բեկել է պատերազմի ընթացքը, բայց այն կձգվի մինչ 2023 թ․ ISW
Քաղաքականություն
12.09.2022 | 11:19
Ուկրաինական զորքերը, արագ հակահարձակման արդյունքում հետ գրավելով գրեթե ողջ Խարկովի շրջանը, մեծ պարտության են մատնել Ռուսաստանին, գրում են Պատերազմի ուսումնասիրման ամերիկյան ինստիտուտի (ISW) փորձագետները նոր զեկույցում։ Այս հաջողությունը զեկույցի հեղինակները կապում են արևմտյան զինատեսակների կիրառման հետ, գրում է BBC-ի ռուսական ծառայությունը:
Երկարատև քննարկումը, իսկ հետո՝ Կիևի կողմից Խերսոնի շրջանի դեմ հակահարձակողական գործողության մասին հայտարարությունը շեղեցին ռուսական զորքերի ուշադրությունը այն հատվածներից, որտեղ ուկրաինական ուժերը վերջին մի քանի օրվա ընթացքում վճռական հարձակումներ են իրականացրել:
Ուկրաինայի զինված ուժերը օգտագործել են HIMARS և այլ արևմտյան համակարգեր Խարկովի և Խերսոնի շրջաններում ռուսական ցամաքային ուղիներին հարվածելու նպատակով՝ հիմք ստեղծելով գործողության հաջողության համար։ Ըստ զեկույցի՝ Ուկրաինայի իշխանությունները ցուցադրաբար քննարկում էին հարվածները հարավում՝ մոլորեցնելով ռուսներին Խարկովի մարզում իրենց իրական մտադրությունների հետ կապված:
Ներկայիս հակահարձակումով պատերազմը չի ավարտվի, կարծում են ISW-ի փորձագետները: Հակահարձակումն ինչ-որ պահի կավարտվի, ինչը թույլ կտա ռուսական զորքերին վերականգնել կայուն պաշտպանական գիծը և, հնարավոր է, նույնիսկ տեղային հակահարձակումներ ձեռնարկել:
Ուկրաինան ստիպված կլինի նոր հակահարձակողական գործողություններ սկսել Ռուսաստանի կողմից օկուպացված տարածքների ազատագրումն ավարտին հասցնելու համար։ ISW-ի մասնագետները կարծում են, որ պատերազմը, ամենայն հավանականությամբ, կձգվի մինչև 2023 թվականը։
Ուկրաինան պատերազմի ընթացքը բեկել է իր օգտին . Կիևը, ամենայն հավանականությամբ, ավելի ու ավելի հաճախ կթելադրի հիմնական ռազմական գործողությունների վայրը և բնույթը, իսկ Ռուսաստանն կսկսի ավելի ու ավելի անհամարժեք պատասխանել Ուկրաինայի կողմից աճող ճնշմանը, եզրակացնում են փորձագետները:
Տաթև Ֆռանգյան
