25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Հյուսիսային Կորեան պաշտոնապես իրեն միջուկային տերություն է հռչակել
Քաղաքականություն
09.09.2022 | 15:32
Հյուսիսային Կորեայի Գերագույն Ժողովրդական ժողովն (միապալատ խորհրդարան) օրենք է ընդունել միջուկային զենքի մասին, որը թույլ է տալիս դրանց կանխարգելիչ օգտագործումը՝ արտաքին հարձակումներից պաշտպանվելու համար, հայտնում է Կորեայի պետական KCNA գործակալությունը։
«Եթե ազգային միջուկային ուժերի հրամանատարության և վերահսկման համակարգը գտնվում է թշնամական ուժերի հարձակման վտանգի տակ, ապա միջուկային հարվածը հասցվում է ավտոմատ կերպով»,- օրենքի տեքստն է մեջբերում AFP գործակալությունը։
Արևմտյան լրատվամիջոցները նշում են, որ այդ կերպ Հյուսիսային Կորեան պաշտոնապես իրեն հռչակել է միջուկային տերություն։ Հյուսիսային Կորեայի առաջնորդ Կիմ Չեն Ընը, ելույթ ունենալով խորհրդարանի նիստում, ասել է, որ երկրի միջուկային կարգավիճակն այժմ «անշրջելի է», և երկրի ապամիջուկայնացման մասին քննարկումներն այլևս իմաստ չունեն։
Կիմն ասել է, որ Հյուսիսային Կորեան երբեք չի հրաժարվի միջուկային զենքերից, քանի որ դրանք անհրաժեշտ են՝ ԱՄՆ-ին հակազդելու համար, ինչը, ըստ նրա, «ճնշում է» Հյուսիսային Կորեայի վրա՝ խաթարելու երկրի պաշտպանությունը և, ի վերջո, տապալելու իր կառավարությունը:
Կիմ Չեն Ընը նաև քննադատել է Հարավային Կորեային իր ռազմական հնարավորություններն ընդլայնելու և ԱՄՆ-ի հետ լայնածավալ զորավարժությունները վերսկսելու իր ծրագրերի համար՝ հյուսիսից աճող սպառնալիքին դիմակայելու համար: ԿԺԴՀ ղեկավարը նման ծրագրերն անվանել է «վտանգավոր» և «լարվածություն առաջացնող»։
Տաթև Ֆռանգյան
