06.08.2026 | 11:43
Նարեկ Կարապետյանի ճեպազրույցը. ՈՒՂԻՂ
Բաքվի դատարանը չորս հայ ռազմագերիների ազատ է արձակել
08.09.2022 | 18:15
Ադրբեջանի Գերագույն դատարանը դատավարություններ է անցկացրել ապօրինաբար դատապարված չորս հայ ռազմագերիների գործերի վճռաբեկ բողոքներով, գրում են տեղական լրատվամիջոցները։
Նշվում է, որ բողոքները դիտարկվել են դատավորներ Նազիմ Մովսումովի և Իլկին Ռաջաբովի նախագահությամբ։
Հաղորդվում է, որ Բաքվի վերաքննիչ դատարանի 2021թ․ նոյեմբերի 26-ի՝ հայ ռազմագերիներին վերաբերող որոշման մի մասը փոխվել է։ Նրանց ազատազրկման ժամկետ է սահմանվել 1 տարի 8 ամիս 25 օրը, ինչի արդյունքում դատարանը նրանց պատժաժամկետը համարել է ավարտված, և հայ ռազմագերիներն ազատ են արձակվել։ Ադրբեջանական աղբյուրները գերիների անունները չեն հրապարակում։
Հիշեցնենք, որ այսօր ավելի վաղ ադրբեջանական լրատվամիջոցները հայտնել էին, որ Բաքուն այսօր պատրաստվում է Հայաստանին 5 ռազմագերի փոխանցել։
ՀՀ պետական գերատեսչություններից որևէ մեկն առայժմ պաշտոնական հաղորդագրություն չի տարածել, որը կհաստատեր ադրբեջանական կողմի տարածած տեղեկատվությունը։ Ըստ ամենայնի՝ ադրբեջանական կողմը Հայաստան է վերադարձնելու հենց այսօր Բաքվի դատարանի որոշմամբ կալանքից ազատված գերիներին։
Էմմա Չոբանյան
