19.04.2026 | 15:55
Պեզեշքիանը քննադատել է Թրամփին Իրանի միջուկային ծրագրի վերաբերյալ նրա պահանջների համար
Համայնքի ղեկավարը թող որոշի․ Ավինյանը՝ հրավառությունն արգելող նախագծի մասին․ ՏԵՍԱՆՅՈՒԹ
Հասարակություն
31.08.2022 | 15:27
ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Սիսակ Գաբրիելյանի նախաձեռնությամբ այսօր խորհրդարանում քննարկում էր կազմակերպվել հրավառություններն արգելող նախագծի վերաբերյալ։
ՀՀ նախկին փոխվարչապետ, «Քաղաքացիական պայմանագիր» կուսակցության վարչության անդամ Տիգրան Ավինյանը քննարկման ժամանակ կարծիք հայտնեց, որ հրավառությունն արգելելու լիազորությունները պետք է տալ համայնքի ղեկավարին. «Համայնքի ղեկավարը թող որոշի, թե որ միջոցառման ժամանակ թույլատրվի հրավառություն»:
«Հրավառություններն արգելող օրենքի նախագծի ամբողջ իմաստն այն է, որ մասնավոր միջոցառումներին հնարավոր չլինի կազմակերպել այնպիսի հրավառություններ, որոնք կանհանգստացնեն շրջակայքի բնակչությանը: Պետք է ռեստորանների համար էլ այնպիսի տուգանքներ սահմանել, որ իրապես ձեռնտու չլինի օրենքին դեմ գնալ ու հրավառություն կազմակերպել։ Վաճառքի սահմանափակումներ կամ խստացումներ մտցնելով` հարցը կլուծվի»,- նշեց Ավինյանը։
Ինչ վերաբերում է պատասխանատվությանը, ապա, ըստ Ավինյանի, լիցենզավորված ընկերություններն ամենայն հավանականությամբ շատ չեն լինի, և ներմուծված ապրանքն էլ գրանցված կլինի։
Մանրամասները՝ տեսանյութում։
