05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
Քաղաքացին Կարմիր գրքում գրանցված երկու կռունկ է նվիրել Կենդանաբանական այգուն
Հասարակություն
22.08.2022 | 20:58
Երեւանի կենդանաբանական այգին երկու նոր բնակիչ ունի, պսակակիր կռունկները, որոնց մասնավոր անձն է նվիրաբերել այգուն։ Այս մասին տեղեկանում ենք Կենդանաբանական այգու ֆեյսբուքյան էջից։
«Կռունկների ընտանիքին պատկանող այս թռչունները Կարմիր գրքում գրանցված են որպես վտանգված տեսակ: Տարածված են Աֆրիկայում:
Նրանց մարմնի բարձրությունը 90-104 սմ է: Հիմնականում սնվում են բուսական ծագման կերերով: Բազմացման ընթացքում դնում են 2-3 ձու, որոնց վրա նստում են 28-30 օր: Ծնողները հավասարապես հոգ են տանում ձվերի մասին: Ձագերը ծնվելուց անմիջապես հետո ծնողների հետ մասնակցում են կերի հայթայթման ընթացքին:
Պսակակիր կռունկներն աչքի են ընկնում իրենց գեղեցկությամբ: Նրանց հեշտ է ճանաչել գլխի ոսկեգույն «թագի» շնորհիվ»,– ասվում է գրառման մեջ։
