«Սուրմալու» առևտրի կենտրոնում տեղի ունեցած պայթյունի հետևանքով «Սուրբ Աստվածամայր» ԲԿ ընդունված 5-ամյա աղջնակը վերակենդանացման բաժանմունքից տեղափոխվել է հիվանդասենյակ, վիճակը կայուն է, կյանքին վտանգ չի սպառնում։ Այս մասին հայտնել է «Սուրբ Աստվածամայր» ԲԿ մամուլի խոսնակ Գևորգ Դերձյանը։
Նա նաև նշել է, որ աղջնակի հարազատները արդեն նրա մոտ են։
Ավելի վաղ ՀՀ առողջապահության նախարարությունը տեղեկացրել էր, որ պայթյունի հետևանքով «Սուրբ Աստվածամայր» ԲԿ տեղափոխվել է 10-ը անչափահաս, որոնք ստացել են առաջին բուժօգնությունը և դուրս գրվել: Իսկ 5-ամյա աղջնակը սկզբում տեղափոխվել է Բ/Կ-ի վերակենդանացման բաժանմունք, բժիշկները վիճակը գնահատել են բավարար:
