Factor.am-ի տեղեկություններով՝ ԱԺ «Ելք» խմբակցության ղեկավարի պաշտոնը կստանձնի խմբակցության պատգամավոր Ալեն Սիմոնյանը:
Օրերս որպես ԱԺ «Ելք» խմբակցության ղեկավարի հնարավոր թեկնածու մամուլում շրջանառվեց Լենա Նազարյանի անունը: Վերջինս, սակայն, շտապեց հերքել այդ լուրը՝ այն որակելով ապատեղեկատվություն և միևնույն ժամանակ ընդգծելով, որ խմբակցության ղեկավարը ՔՊ անդամ է լինելու:
Տեղեկությունը փորձեցինք ճշտել անձամբ Ալեն Սիմոնյանից: Պատգամավորը, սակայն, հրաժարվեց մեկնաբանություն տալ:
Հիշեցնենք՝ մայիսի 16-ին Կենտրոնական ընտրական հանձնաժողովը կազմել է արձանագրություն` Ազգային ժողովի «Ելք» կուսակցությունների դաշինքի թիվ 4 տարածքային ընտրական ցուցակներից ընտրված և լիազորությունները դադարած պատգամավոր, ներկայիս ՀՀ վարչապետ Նիկոլ Փաշինյանի մանդատը նույն տարածքային ընտրական ցուցակների առավելագույն ձայներ ստացած հաջորդ թեկնածու Ալեն Սիմոնյանին տալու վերաբերյալ:
Ալեն Սիմոնյանը մինչ այս հանդիսանում էր Երևանի ավագանու «Ելք» խմբակցության անդամ:
Լ.Գ.
