22.04.2026 | 14:37
«Ինտերի» ու «Միլանի» ֆուտբոլիստներն անցնում են մարմնավաճառության հետ կապված աղմկահարույց գործով
ԱՄՆ-ը Ռուսաստանին կոչ է անում դադարեցնել ռազմական գործողությունները Ուկրաինայի միջուկային օբյեկտների մոտ
Քաղաքականություն
08.08.2022 | 20:56
ԱՄՆ իշխանությունները կոչ են անում ՌԴ-ին՝ դադարեցնել Ուկրաինայի միջուկային օբյկետների շուրջ բոլոր ռազմական գործողությունները և Կիևին վերադարձնել դրանց նկատմամբ հսկողությունը։ Այս մասին հայտարարել է Սպիտակ տան մամուլի քարտուղար Կարին Ժան Պիեռը, գրում է ՏԱՍՍ-ը։
«Մենք շարունակում ենք հետևել Զապորոժիեի ԱԷԿ-ում ռադիոակտիվությանը։ Բարեբախտաբար, մենք չենք տեսել ճառագայթման բարձր կամ աննորմալ մակարդակի նշաններ: Մենք շարունակում ենք կոչ անել Ռուսաստանի Դաշնությանը՝ դադարեցնել բոլոր ռազմական գործողությունները ուկրաինական միջուկային օբյեկտներում կամ դրանց մոտակայքում և ամբողջական վերահսկողությունը վերադարձնել Ուկրաինային»,- ասել է նա։
Պաշտոնյան հավելել է, որ ԱՄՆ-ն շարունակում է աջակցել Ատոմային էներգետիկայի միջազգային կազմակերպության (ՄԱԳԱՏԷ) ջանքերին՝ իր տեխնիկական երաշխավորի մանդատի կատարման և Ուկրաինային միջուկային անվտանգության հարցերում օգնության ցուցաբերման հարցում։
Էմմա Չոբանյան
