15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Այսօր վավերացվել են ԵՏՄ-Իրան և ԵՏՄ-Չինաստան համաձայնագրերը. Տիգրան Ավինյան
Տնտեսություն
17.05.2018 | 12:32
ՀՀ փոխվարչապետ Տիգրան Ավինյանը ֆեյսբուքի իր էջում գրառումներ է կատարել՝ տեղեկացնելով, որ հույժ կարևոր երկու համաձայնագրեր են ստորագրվել՝ ԵՏՄ-Իրան ազատ առևտրի համաձայնագիրը և ԵՏՄ- Չինաստան առևտրատնտեսական համաձայնագիրը:
«Երկարատև և բարդ բանակցություններից հետո այսօր կնքվեց ԵՏՄ – Իրան ազատ առևտրի համաձայնագիրը։
Հատուկ ուզում եմ նշել հայկական կողմի լրջագույն աշխատանքը, որը իրականացվել է բանակցությունների ամբողջ ընթացքում, ինչի մասին խոսում են մեր բոլոր գործընկերները։
Համոզված եմ, որ համաձայնագիրը նոր հնարավորություններ է բացելու հայկական արտադրողների համար իրանական շուկա մտնելու համար, ինչպես նաև շատ բարենպաստ պայմաններ Հայաստանում նոր արտադրական հզորություններ հիմնելու համար»,- գրել է նա:
Ապա քիչ անց ևս մեկ գրառում է կատարել. «Այսօր կնքվեց նաև ԵՏՄ – Չինաստան առևտրատնտեսական համաձայնագիրը։
Հիմնական բանակցող, նախարար Ֆու Ցզիինի հետ առանձնազրույցում քննարկեցինք երկկողմ տնտեսական հարաբերություններին վերաբերող հարցեր, ներառյալ՝ Հյուսիս-Հարավ ճանապարհի շինարարությունը, Հայաստան – Եվրամիություն համապարփակ և ընդլայնված գործընկերության համաձայնագիրը և դրանից բխող հնարավորությունները։ Պայմանավորվեցինք քննարկումները շարունակել Պեկինում միջկառավարական հանձնաժողովի շրջանակներում»:
