23.11.2024 | 00:04
Վթար Երևան քաղաքի Տիչինայի փողոցում․ կան հոսպիտալացվածներ
11 լրագրող ֆիզիկական բռնության է ենթարկվել 2022-ի 2-րդ եռամսյակում․ Աշոտ Մելիքյան
Հասարակություն
26.07.2022 | 12:43
Երբ երկրում լարվում է հասարակական – քաղաքական իրավիճակը, ավելանում են նաև հարձակումները լրագրողների և լրատվամիջոցների վրա»,- այս կարծիքը հայտնեց «Խոսքի ազատության պաշտպանության կոմիտե»-ի նախագահ Աշոտ Մելիքյանը՝ հուլիսի 26-ին հրավիրված ասուլիսում ներկայացնելով 2022 թվականի երկրորդ եռամսյակային զեկույցը՝ Հայաստանում խոսքի ազատության վիճակի և լրագրողների ու ԶԼՄ-ների իրավունքների խախտումների վերաբերյալ:
Մելիքյանի դիտարկմամբ՝ 2022-ի երկրորդ եռամսյակի ընթացքում լրագրողների նկատմամբ ֆիզիկական բռնությունների թիվը կտրուկ աճել է:
«2022-ի երկրորդ եռամսյակի ընթացքում 11 լրագրող ֆիզիկական բռնության է ենթարկվել: Ապրիլից հունիս ժամանակահատվածը բավականին լարված էր, երբ արմատական ընդդիմությունը անհնազանդության ակցիաներ էր կազմակերպում: Եվ լրագրողների նկատմամբ բռնության 11 դեպքից 10-ը հենց այդ ընթացքում է գրանցվել: Ցուցարարների և ոստիկանության ընդհարումների ընթացքում տուժում էին նաև լրագրողները և օպերատորները: Եղել են դեպքեր, երբ որ նպատակադրված գործողություններ են իրականացվել ընդդեմ առանձին լրատվամիջոցի ներկայացուցիչների»,- նշեց Մելիքյանը:
Նրա խոսքով՝ ցավոք նշված իրավախախտումների հետևանքով որևէ մեկը պատասխանատվության չի ենթարկվել:
Մանրամասները՝ տեսանյութում:
