09.08.2026 | 10:44
ՀՀ տարածքում ավտոճանապարհներն անցանելի են
Հնդկաստանն ու Պակիստանը համաձայնել են հրադադար հաստատել
Քաղաքականություն
10.05.2025 | 17:10
Հնդկաստանի արտաքին գործերի նախարար Վիկրամ Միսրին հայտարարել է, որ Հնդկաստանն ու Պակիստանը համաձայնեցրել են հրադադարը: Երկու կողմերը պարտավորվել են Հնդկաստանի ժամանակով ժամը 17: 00-ից դադարեցնել բոլոր հրետակոծություններն ու ռազմական գործողությունները ցամաքում, օդում և ծովում: Այս մասին տեղեկացնում է DW-ի ռուսական ծառայությունը։
Միևնույն ժամանակ, Հնդկաստանի ռազմաօդային ուժերի ներկայացուցիչ գնդապետ Վիոմիկա Սինգհը Նյու Դելիում կայացած մամուլի ասուլիսում հայտարարել է, որ Հնդկաստանը հավատարիմ է «էսկալացիայից հրաժարվելուն ՝ պայմանով, որ պակիստանյան կողմը փոխադարձ պատասխան տա»: Սակայն, նրա խոսքով, պակիստանյան ցամաքային ուժերն առաջ են քաշվում առաջապահ դիրքեր, ինչը «մատնանշում է Պակիստանի հարձակողական մտադրությունները, որոնք ուղղված են հետագա էսկալացիային»:
Պակիստանի ԱԳ նախարար Իսհակ Դարը հայտարարել է, որ իր երկիրը կդիտարկի դեէսկալացիայի հնարավորությունը, եթե Հնդկաստանը դադարեցնի հետագա հարձակումները: Հակառակ դեպքում՝ «պատասխանը կլինի», – ասել է նա:
Դարը X սոցցանցում նաև գրել է, որ «Պակիստանը միշտ ձգտել է տարածաշրջանում խաղաղության և անվտանգության», ընդ որում ՝ փոխզիջումների չգնալով «իր ինքնիշխանության և տարածքային ամբողջականության» հարցում:
