24.06.2026 | 19:55
Նավթային գերտերություն՝ առանց բենզինի․ ինչ է կատարվում Ռուսաստանում. ՏԵՍԱՆՅՈւԹ
Քաղաքացու պնդմամբ՝ ոստիկանությունը նպատակ է ունեցել խոչընդոտել իր ակցիան «Հաղթանակ» զբոսայգու տարածքում, ՆԳՆ-ն այլ մեկնաբանություն ունի
Հասարակություն
09.05.2025 | 18:10
Երևանի բնակիչ Կարեն Քյուփելյանը Factor․am-ին ահազանգել է, որ առավոտյան ցանկացել է բողոքի ակցիա իրականացրել «Հաղթանակ» զբոսայգու տարածքում, սակայն, մինչև այնտեղ հասնելը ոստիկաններն իրեն բերման են ենթարկել։
Նրա խոսքով՝ նպատակ է ունեցել ՌԴ դեսպանատան աշխատակիցների և ընդդիմության ներկայացուցիչների այցի ժամանակ մի քանի երկրների դրոշներներով և պաստառներով ակցիա իրականացնել։
«Ֆրանսիայի, ԱՄՆ-ի, Մեծ Բրիտանիայի դրոշներով պետք է գնայի այնտեղ և բողոքի ակցիա անեի, իսկ Ռուսաստանի դրոշի վրա պատկերել էի թուրքական կիսալուսինը։ Ինձ հետ նաև տարբեր գրություններով մի քանի պաստառներ ունեի։ Ակցիան պետք է անեի տղայիս ընկերոջ հետ։ Բագրատունյանց փողոցում ոստիկանական մեքենան իմ մեքենայի դեմը կտրեց։ Ինձ իրենց մեքենայով տարան բաժին։ Զենք-զինամթերք պահելու կասկածանքով էին ինձ տարել բաժին։ Դրոշներն ու պլակատները վերցրել են, նպատակն այդ ակցիան թույլ չտալն էր»,- նշեց քաղաքացին՝ հավելելով, որ հետո իրեն ազատ են արձակել։
ՆԳՆ-ից Factor․am-ին հայտնեցին, որ քաղաքացին զենք-զինամթերք կրելու և պահելու կասկածանքով բերվել է քրեական ոստիկանություն, ապա բաց է թողնվել։ Իրավապահ կառույցից այլ տեղեկություններ չփոխանցեցին։
Մանյա Պողոսյան
