24.11.2024 | 10:32
Այս տարի Ավանում 14,000 քմ բակային տարածքներ ազատել ենք ավտոտնակներից և անօրինական շինություններից. Ավինյան․ ՏԵՍԱՆՅՈՒԹ
Որքան գումար է Հայաստան մտել 2022-ի հունվար-մայիսին․ ԿԲ-ի տվյալները
Տնտեսություն
25.07.2022 | 17:47
Այս տարվա մայիսին արտերկրից Հայաստան եկած գումարները աճել են շուրջ 2,3 անգամ։ Այս մասին Factor.am-ը տեղեկանում է ԿԲ հրապարակած տվյալների վերլուծությունից։
Այսպես․ այս տարվա մայիսին ՀՀ ֆիզիկական անձանց արտերկրից փոխանցվել է 412 մլն դոլար՝ նախորդ տարվա նույն ամսվա 174,8 մլն դոլարի փոխարեն։ Նշենք, որ սա ՀՀ պատմության մեջ ռեկորդային ցուցանիշ է։
Գումարի մեծ մասը եկել է ՌԴ-ից։ Ռուսաստանից Հայաստան է փոխանցվել 266 մլն դոլար՝ նախորդ տարվա նույն ամսվա 72 մլն դոլարի փոխարեն։
Հիշեցնենք, որ ռուս-ուկրաինական պատերազմով պայմանավորված մարտից սկսած տարբեր հաշվարկների համաձայն Հայաստան է եկել շուրջ 60-80 հազար ՌԴ քաղաքացի։ Ռուս-ուկրաինական իրադարձությունների ֆոնին ՀՀ առևտրային բանկերում հաշիվներ բացած օտարերկրյա քաղաքացիների թիվը մայիսի 3-ի տվյալներով 16 000 է․ այս մասին ասուլիսում հայտարարել էր ՀՀ կենտրոնական բանկի նախագահ Մարտին Գալստյանը։
Այսպիսով՝ կարելի է ենթադրել, որ ՌԴ-ից Հայաստան փոխանցված գումարների նման աճը պայմանավորված է ռուսաստանցիների Հայաստան հոսքով։
ԱՄՆ-ից Հայաստան փոխանցված գումարները ևս աճ են գրանցել։ Այս տարվա մայիսին ԱՄՆ-ից Հայաստան է փոխանցվել 57,5 մլն դոլար նախորդ տարվա նույն ամսվա 46 մլն դոլարի փոխարեն։
Անժելա Պողոսյան
