06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
«Գազպրոմն» ու Իրանի ազգային նավթային ընկերությունը ռազմավարական համագործակցության հուշագիր են ստորագրել
Քաղաքականություն
19.07.2022 | 14:20
Ռուսական «Գազպրոմն» ու Իրանի ազգային նավթային ընկերությունը Թեհրանում նավթային համագործակցության հուշագիր են ստորագրել, գրում է Ռիա Նովոստին՝ վկայակոչելով իրանական Tasnim գործակալությանը։
Նշվում է, որ իրանական ընկերության ղեկավարը այս հուշագիրն անվանել է Իրանի նավթարդյունաբերության պատմության մեջ ամենախոշոր օտարերկրյա ներդրումը։
Իրանական Shana գործակալությունն էլ հայտնում է, որ Ռուսաստանի և Իրանի նավթային երկու ընկերությունների միջև կնքված պայմանագրի գումարը կազմում է 40 միլիարդ դոլար։ Նշվում է նաև, որ հուշագիրը նախատեսում է իրանական Քիշ կղզում գազային հանքավայրերի մշակում, իրանական նավթային «Հյուսիսային Ֆարս» հանքավայրի զարգացում, ինչպես նաև 6 այլ նավթահանքերի շահագործում։ Համաձայնագիրը նաև նախատեսում է երկու երկրների միջև գազի, նավթաքիմիական ու գազային ապրանքների փոխանակում, արտահանման գազատարների կառուցում։
Էմմա Չոբանյան
